18 апреля 2024

ДЗÆУÆГИГЪÆУИ ПЛАНЕТАРИЙИ БÆРÆГБОН

18.03.2023 | 18:36

Дзæуæгигъæуи планетарийбæл исæнхæст æй æртинсæй анзи. Ци агъазиау бæстихаййи æрбунат кодта, уой исаразтонцæ XIX æноси 70-аг æнзти æма нуртæккæ нимад цæуй культури æма архитектури циртдзæвæнбæл. Кæддæр си адтæй Шиитаг мæзгит, æма раздæри рæстæгути адæмæн уотемæй зундгонд æма цитгин адтæй. Фал советон доги, дини нихмæ тох ку иситинг æй æма дин гъуддæгутæ æнхæст кæнуни туххæй азгъунститæ паддзахадæ есун ку байдæдта æндæр нисанеуæгæн, уæд си арæзт æрцудæй планетарий. Фæстæдæр, 1992 анзи цæмæдæр гæсгæ æхгæд æрцудæй æма уотемæй берæ рæстæгути фæллæудтæй.

Уæдмæ космосон тæхæн аппарати конструктор Къомайти Руслан архайун байдæдта, цæмæй бабæй си косун байдайа планетарий. Уой фæндæбæл исарази уогæй, 2017 анзи Цæгат Иристони раздæри Сæргълæууæг Битарти Вячеслав рахаста унаффæ агъазиау объект еци нисанеуæгæй райаразуни туххæй. Æма си нуртæккæ косуй, 460 сувæллони кæми ахур кæнунцæ, уæдта планетари æма космонавтики скъола кумæ хаунцæ, уæхæн космосон центр. 2020 анзæй фæстæмæ хæссуй зундгонд космосон конструктор Къомай-фурти ном.