24 майя 2022

ÆНСУВÆРТÆ КÆРÆДЗЕБÆЛ ÆНОВУД УНÆЙ ФЕДАУНЦÆ…

07.10.2020 | 09:28

Цæгат Иристон æма Кæсæг-Балхъари ’хсæн бастдзийнæдтæ рагæй-æрæгæмæ дæр федар æма æнæфæххецæнгæнгæ адтæнцæ. Сауæнгæ Советон Цæдес ку фехалдæй æма кæддæр æрвадеуггæнæг адæмихæттитæй кæцидæртæ ку фæккæрæдземæ ’нцæ, уæддæр нæ медастæу еци рахастдзийнæдтæ хъоргонд не ’рцудæнцæ, нæ фæнниллæгдæр æнцæ.

Æма идарддæр дæр уотæ ке уодзæнæй, е ни федарæй æруагæс кæнуй. Уомæн ба ма еума æвдесæн иссæнцæ фæстаг рæстæги цаутæ. Айразмæ Цæгат Иристони минæвæртти къуар, сæ сæргъи нæ республики Сæргълæууæг
Битарти Вячеслав, уотемæй бабæрæг кодтонцæ Кæсæг-Балхъар. Уоми сæ хъæбæр зæрдиагæй исиуазæг кодтонцæ æма баунаффæ кодтонцæ, иннæ фембæлд Дзæуæгигъæуи исаразун. Æма мæнæ евгъуд майрæнбони, 2 октябри нæмæ æрбацудæй Кæсæг-Балхъари бæрнон делегаци, æ сæргъи республики разамонæг Казбек Коков, уотемæй. Еци фембæлди рæстæг ци берæ аллихузон цитгингæнæн мадзæлттæ арæзт æрцудæй, уонæн сæ сæйрагдæр иссæй ахсгиаг гъуддаг – Битарти Вячеслав æма Казбек Коков бафинстонцæ дууæ республикей æхсæн æмгустдзийнади бадзурд. Уой фæдбæл ма хецæн æрмæгутæ мухур кæндзинан, абони ба уæ зонгæ кæнæн, Цæгат Иристон æма Кæсæг-Балхъари адæмти ’хсæн æнсувæрон рахастдзийнæдти фæдбæл историон наукити доктор, профессор Дзидзойти Валерий ци историон уац бацæттæ кодта, уой хæццæ.