Ольгинскийи кадгин уавæри байгон кодтонцæ ЗУГЪУТАТИ Чермени номерæн къæйæ. Е фæммард æй сæрмагонд æфсæддон операций архайгæй. Къæйæ исæвардтонцæ, Чермен æхуæдæг кæми цардæй, еци хæдзари фарсбæл.

Кæстæр сержант Зугъутати Чермен еци тугъдон цаути райдайæни фиццаг бонтæй фæстæмæ дæр адтæй тохи раззагдæрти рæнгъити. Фæммард æй 2022 анзи 22 июни Харькови облæст Казачья Лопань, зæгъгæ, еци гъæуи рази.

Номерæн къæйæ игон кæнуни архайдтонцæ Чермени хеуæнттæ, бунæттон скъолай ахургæнгутæ, æ тугъдон æмбæлттæ, æмгъæуккæгтæ. Ольгинскийи астæуккаг скъолай кълæстæй сæ еу амæй фæстæмæ хæсдзæнæй Зугъутати Чермени ном.

Аци мадзал арæзт æрцудæй 3754-аг æфсæддон хай æма Фидибæстæ гъæуайкæнгæй ка фæммард æй, Цæгат Кавкази еци бийнонти совети сæрдар Татьянæ Днепровскаяйи хъæппæресæй.