14 июня 2024

«НÆ ÆДЗАРД ТУГЪДОНТÆЙ ÆНОСТÆМÆ СÆРУСТУР УОДЗИНАН…»

06.09.2022 | 10:26

Нуртæккæ Украини ци сæрмагонд тугъдон операци цæуй, уой рæстæги бæгъатæрæй ка фæммард æй æма Уæрæсей Президенти Указæй Лæгдзийнади ордентæ ци æфсæддонтæн аккаггонд æрцудæй, уони хуæрзеугутæ нæ республики Сæргълæууæг Сергей Меняйло æрæги цитгин уавæри равардта сæ хеуæнттæн. Хъæбæр хъонцгæнгæй син ратæфирфæс кодта æма загъта:

– Нæ фæсевæд се ‘фсæддон ихæс кадгинæй кæронмæ исæнхæст кодтонцæ, сауæнгæ ма сæ цард дæр нæ бавгъау кодтонцæ. Гъулæггагæн, сабурдзийнадæ æма рæстагдзийнади сæрбæлтау нæ абони федун гъæуй, банимайæн кæмæн нæййес, уоййасæбæл агъазиау аргъ – нæ сæрæн фæсевæди цардæй… Мах сæрустур уодзинан нæ æдзард бæгъатæртæй, сæ лæгдзийнадæ син нæ зæрдити дардзинан, сæ рохс нæмттæ син цитгинæй имисдзинан…

Уæрæсей Президенти Указæй, се ‘фсæддон ихæс æнхæст кæнгæй, лæгдзийнадæ, æвзугъддзийнадæ æма уодуæлдайдзийнадæ равдесуни туххæй Лæгдзийнади ордентæй хуарзæнхæгонд цæунцæ (сæ рамæлæти фæсте):

– лейтенант Абайти Олеги фурт Давид;

– гвардий сержант Джиоти Роберти фурт Ацæмæз;

– сержант Найфонти Батрази фурт Аслан;

– сержант Сергей Василийи фурт Роговой;

– кæстæр сержант Гаджити Владимири фурт Тамерлан;

– кæстæр сержант Бестаути Станислави фурт Ацæмæз;

– кæстæр сержант Базрати Сергейи фурт Марат;

– рæнгъон Лазарти Хазбийи фурт Таймураз;

– рæнгъон Александр Эдуарди фурт Попов;

– рæнгъон Кирилл Владимири фурт Халин.