Уæрæсей Федераций Закъон 1993.12.02. №4468-1 «Медгъуддæгути оргæнти æфсæддон службæгæнгутæ, Зингхуссунгæнгути паддзахадон службæ, психотропон æма наркотикон фæрæзнити зелдохмæ цæстдарæг оргæнтæ, уголовон æнхæстгæнæг системи оргæнтæ æма уагæдæнттæ, Уæрæсей Федераций национ гвардий федералон служби æфсæдтæ æма сæ бийнонтæн пенси иснисан кæнуни туххæй»-и (идарддæр цубурæй амунд цæудзæнæй куд Закъон) 13 статьямæ гæсгæ контракт бафинсуни бундорбæл  æфсæддон службæгæнгутæн федардзурд лæвæрд цæуй, пенси иснисан кæнунæн еумæйаг фæткæмæ гæсгæ 20 анзи æма фулдæр служби фæсте уæгъдæгонд ку ’рцæуонцæ, уæд. Пенси райсуни æндæр бундорбæл нимад цæуй, 45 анзи ибæл ку исæнхæст уа, æ еумæйаг стаж 25 анзи уогæй, уонæй ба 12,5 анземæй минкъийдæр æфсæддон служби хæццæ баст ку нæ уа, уæд, фал гъæуама æфсæддон служби кари кæронмæ исхъæрта, уæгъдæгонд æрцæуа кенæ е ’нæнездзийнадæ, кенæ организацион-штатон мадзæлттæмæ гæсгæ.

Закъони 14 статьямæ гæсгæ, хъиамæтдзийнади æнзти цæйбæрцæ уонцæ, уой нимайгæй пенсий бæрцæ ’й:

1) 20 анзи – мизди 50 проценти æма ма имæ уой фæсте алли анз дæр æфтуд цæуй 3 проценти, æцæг мизди 85 процентемæй фулдæр куд нæ уа;

2) стаж 25 анзи æма фулдæр ку уа, уонæй 12,5 минкъийдæр æфсæддон службæмæ ку нæ хауа, уæд мизди 50 проценти æма уой фæсте алли еу анзæн æфтуд цæуй 1 процент.

Хъиамæтдзийнади æнзтæмæ гæсгæ пенси фулдæргонд цæуй: æфсади архайгæй инвалид ка иссæй, уонæн (I къуари инвалидæн – 300 проценти, II къуари инвалидæн – 250 проценти, III къуари инвалидæн – 175 проценти), уæдта еци рæстæг еумæйаг нез кæмæ фæззиндтæй, иуонгцох кенæ æндæр цæйдæр фудæй ка фæссахъат æй, уонæн.

Закъони 19 статьяй бæлвурдгонд цæунцæ, хъиамæтдзийнади æнзтæмæ гæсгæ пенси кæмæн нæма æнгъезуй æма служби рæстæг инвалид ка иссæй, кенæ уæгъдæгонд æрцудæй æртæ мæйи фæстæдæр нæ, кенæ еци æмгъудæй фæстæдæр, фал служби рæстæг цæф, контузи, сахъат кенæ сæйгæ ка баййафта, уони уавæртæ (æфсæддон цæфти I æма II къуари инвалидтæн – 85 проценти, III къуари – 50 проценти сæ миздæй; I æма II къуарæн – 75 проценти, III къуарæн – 40 проценти сæ миздæй).

Æфсæддон службæгæнгути рамæлæти (фæммарди) фæсте æ бийнонтæн нисангонд цæуй пенси, кæд службæгæнгæй, кенæ уæгъдæгонд ку æрцудæй, уæдæй æртæ мæйи фæстæдæр нæ рамардæй (кенæ еци æмгъудæй фæстæдæр, фал служби рæстæг цæфтæ, контузитæ баййафта, кенæ фæннезгун æй), уæдта уони нимæдзæй пенсиесгути бийнонтæн пенси есуни рæстæг сæ дарæг ку рамæла, кенæ ин пенси лæвæрд, уорæд ку ’рцæуа, уомæй фондз анземæй фулдæр ку нæ рацæуа, уæд (Закъони 28 статья).

Закъони 51 статьямæ гæсгæ, æфсæддон службæгæнæгæн (æ бийнонтæн) пенси нисангонд цæмæй æрцæуа, уой туххæй курдиадæ бадæттун гъæуй бæлвурдгæнæн гæгъæдити хæццæ Уæрæсей Федераций гъæуайкæнуйнади министрадæ, Уæрæсей Медгъуддæгути Министрадæ, æфхуæрдтæ æнхæстгæнæг федералон службæ, тæрхондони пъиристæфти федералон службæ, Уæрæсей Федераций æдасдзийнади Федералон службæ, Уæрæсей Федераций Генералон прокуратурæ æма Уæрæсей Федераций Слестгæнæг комитети пенсион оргæнтæмæ. Еци гæгъæдитæмæ ’ркасти æмгъуд æй уоми сæ ку райсонцæ, уомæй дæс боней дæргъи (уойбæрцæ æмгъуд федаргонд æй, фæстæдæр ма ци æрмæгутæ багъæуа, уонæн дæр).

ХУБИАТИ Денис, Дзæуæгигъæуи гарнизони æфсæддон прокурори ихæстæ рæстæгмæ æнхæстгæнæг.