Республикæ Цæгат Иристон-Аланий юридикон бюро сæрмагонд æфсæддон операций фиццаг бонтæй фæстæмæ косуй æ архайгути барадон æма социалон гарантитæ гъæуай кæнунбæл. Сæрмагонд æфсæддон операций архайгутæ æма сæ бийнонти барадон бартæ гъæуайгонд цæунцæ закъонæвæруйнади цалдæр закъонемæ гæсгæ. Уони хæццæ ’нцæ Уæрæсей Федераций Конституци, федералон закъон «Ветеранти туххæй», Уæрæсей Федераций Президенти Указтæ æма Хецауади унаффитæ,  уони хæццæ «Уæрæсей Федераций юридикон лæвар агъази туххæй» федералон закъон.

Республики Сæргълæууæг Сергей Меняйло куд бафеппайдта, уотемæй тугъдон архайди фæсте сæхемæ ци æфсæддон службæгæнгутæ исæздæхунцæ, етæ æма сæ бийнонтæ, уæдта сæрмагонд æфсæддон операций æ хеуæнттæ кæмæн фесавдæнцæ, уонæн агъаз абони æй тæккæ сæйрагдæр гъуддаг, уотæ байамудта Уæрæсей Президент Владимир Путин.

Республикæ Цæгат Иристон-Аланий Паддзахадон бюро арæзт ку ’рцудæй, уæдæй фæстæмæ нæ республики граждæнтæй юридикон лæвар агъаз райстонцæ 8575 адæймаги, уони хæццæ:

– æфсæддон сæрмагонд операций райдайæнæй фæстæмæ æ архайгутæ æма сæ бийнонтæн Республикæ Цæгат Иристон-Аланий Паддзахадон бюро лæвар агъаз бакодта 2826 адæймагемæн, уонæй:

– колл-центр – сæрмагонд æфсæддон операций архайгутæ æма сæ бийнонтæн 145 консультаций цъухи загъдæй;

– Республикæ Цæгат Иристон-Аланий Паддзахадон бюрой специалисттæ «Фидибæстæ гъæуайгæнгути» фонди азгъунсти цъухи загъдæй консультацитæ равардтонцæ – 462;

– Паддзахадон юридикон бюрой азгъунсти 322 цъухи загъдæй консультацитæ;

– «æвæстеуати бастдзийнади» телефонæй сæрмагонд æфсæддон операций архайгутæ æма сæ бийнонтæн равардтонцæ 1897 консультаций;

– финст консультацитæ сæрмагонд æфсæддон операций архайгутæ æма сæ бийнонтæн равардтонцæ 375;

– сæрмагонд æфсæддон операций архайгутæ æма сæ бийнонти гъуддæгутæ тæрхондæнтти æвзаргæй, фæййагъаз кодтонцæ – 70 адæймагемæн. Сæрмагонд æфсæддон операций архайгутæ æма сæ бийнонтæн паддзахадон социалон агъази архайунцæ аллихузон министрадтæ æма ведомствитæ. Уони хæццæ, Республикæ Цæгат Иристон-Аланий фæллойни æма социалон ирæзти Министрадæ æхца бафедуни гъуддæгути æфсæддони фæммарди кенæ фæццæфи уавæрти, цæрæнуæтти-коммуналон лæггæдти хæрзтæ бафедуни гъуддаги, капиталон цалцæги хæрзти хай бафедуни сæрмагонд æфсæддон операций архайгути реабилитацийæн («Санаторий Осетия», «Сосновая роща», Республикон геронтологон центр»-ти) хæрзти еу хай фæстæмæ раздахуни социалон гарантитæ æнхæст кæнгæй.

Æмгустади ахсгиаг мадзæлттæ аразуй Республикæ Цæгат Иристон-Аланий наукæ æма ахуради Министрадæ, уони хæццæ сæрмагонд æфсæддон операций архайгути сувæллæнттæн паддзахадон ахурадон организацитæмæ, сувæллæнтти дзæхæрадæнттæмæ æма аллихузон уæлæнхасæн къуæрттæмæ лæвар цæуни фæййагъази гъуддæгути.

Паддзахадон юридикон бюро æй Республикæ Цæгат Иристон-Аланий фæллойнæ æма социалон райрæзти Министради дæлуагдонæ. Се ’хсæн ци бадзурд арæзт æрцудæй, уомæ гæсгæ парти «Еугонд Уæрæсе»-й Республикæ Цæгат Иристон-Аланий æхсæнадон агъази штаби хæццæ кæнуй æмархайд. Сæ куст аразунцæ цъухи загъдæй, консультацитæ, æфсæддонтæ æма сæ бийнонти хæццæ фембæлдтитæй. Еци фембæлдтити фæуунцæ Республики Адвокатон палатæ, «Фидибæстæ гъæуайгæнгути» фонди филиал, Республикæ Цæгат Иристон-Аланий Нотариалон палатæ, Уæрæсей Федераций Пенсион æма социалон фæдзæхстади фонди Республикæ Цæгат Иристон-Аланий хайадæ, Республикæ Цæгат Иристон-Аланий Тæрхонадон пъиристæфти служби управлений минæвæрттæ.

Паддзахадон юридикон бюрой косæг еудадзугдæр кезу хæссуй Республикæ Цæгат Иристон-Аланий «Фидибæстæ гъæуайгæнгути» фонди филиали æма барадон агъаз кæнуй, уордæмæ ци тугъдонтæ кенæ сæ бийнонтæй фарстати хæццæ ка ’рбацæуй, еци адæмæн.

Республики Паддзахадон юридикон бюрой косæг къуæрттæ ахид рандæунцæ идарддзæф гъæутæмæ æма уоми сæ барадон агъази хай бакæнунцæ сæрмагонд æфсæддон операций архайгутæ æма сæ бийнонтæй царди зин уавæрти ка бахауй, уонæн. Уагæдони официалон сайти косуй «Барадон эксперт», уоми лæдæрун кæнунцæ граждæнти бартæ æма уони хæццæ æфсæддон службæгæнæги бартæ дæр. Паддзахадон юридикон бюрой есæн уати еудадзуг косуй «Æвæстеуати бастдзийнадæ». Еци телефонæй бастдзийнадæ арæзт цæуй æфсæддон службæгæнгути бийнонти хæццæ, сæрмагонд æфсæддон операций æ ихæс æнхæстгæнгæй, ка фесавдæй, кенæ ка фæммард æй, етæ циуавæр æфсæддон хæйтти адтæнцæ, уой исбæлвурд кæнуни туххæй домæн финстæгутæ æрветунцæ æфсæддон хæйтти разамонгутæмæ.

Цæгат Иристони Паддзахадон юридикон бюрой архайди сæйраг хузтæй еу æй сæрмагонд æфсæддон операций архайгути интерестæ тæрхондони багъæуай кæнун. Нæ косгутæ архайдтонцæ 70 тæрхонеми æма агъаз кодтонцæ 31 гъуддагеми. Сæ фулдæр рахецæн æнцæ, гъаст ка балæвардта, уони пайдайæн. Сæрмагонд æфсæддон операций архайгутæ æма сæ бийнонтæ ахиддæр æрбацæунцæ уæхæн фарстати хæццæ:

1. Тугъди ка фæммард æй, уой бийнонти иуонги æвдесæндар райсунмæ.
2. Æфсæддон къамиси хатдзæг нæуæгæй исбæрæг кæнун, æфсæддон хайади командæгæнæги нæуæг æрвист къамисмæ.
3. ВВК хатдзæгæй нæ арази унæн.
4. Кредитон каникулти фарстатæ.
5. Æбæрæгæй исæфтбæл нимад æфсæддонæн, тæрхондонæ ’й цалинмæ мардбæл банимайа, уæдмæ æ бийнонтæн æхцай феддонтæ райсуни фарстатæ.
6. Тугъдон архайди ветерани æвдесæндар райсуни æмархайд.
7. Сæрмагонд æфсæддон операций архайæги æбæрæгæй фесæфæги иссерунæн æмархайд кæнун (домæн финстæгутæ æфсæддон хæйттæмæ, æфсæддон хæйтти комиссарадтæмæ æрветун).
8. Бархеуон батальон «Шторм-Z» тугъдонæн «Тугъдон архайди ветеран»-и æвдесæндар райсунæн.

Республикæ Цæгат Иристон-Аланий Паддзахадон юридикон бюрой архайд хуарзбæл банимадта Юстиций министради Цæгат Кавкази федералон зилди управлени.

Уагæдони кустæн устур аргъ искодта Цæгат Иристони Парламент, уæдта Юстиций министради Цæгат Иристон-Аланий управлени, Уæрæсей Медгъуддæгути министради Цæгат Кавкази федералон зилди сæйраг управлений унаффæмæ гæсгæ, не ’мкосгутæ дууемæй хуарзæнхæгонд æрцудæнцæ «Æмархайди туххæй»– майданæй, Республикæ Цæгат Иристон-Аланий Паддзахадон юридикон бюро идарддæр дæр зæрдиагæй косдзæнæй сæрмагонд æфсæддон операций архайгутæ æма сæ бийнонти барадон бартæ гъæуай кæнунбæл.

Лæвар юридикон агъази фæдбæл уæ бон æй æрбацæун, кенæ фегъосун кæнун уæхæн адресбæл: РЦИ-Алани, Дзæуæгигъæу, Осипенкой гъæунгæ, 3. телефон: 53-65-60.

ХЪАНТЕМУРАТИ Олег, РЦИ-Аланий Паддзахадон юридикон бюрой директор.