Нæ республики Хецауади Сæрдари хуæдæййевæг Плати Альбинæ архайуй, Уæрæсей адæмон хæдзарадæ æма паддзахадон служби Академи ке исаразта, еци программæ «Паддзахадон разамунд дæттуни дæсни»-йи регионалон мадзали.

Арæзт ба ’рцудæй Ханты-Мансийски автономон зилди, бæрнон ин æй зилди разамонæг Руслан Кухарук. Уордæмæ æрæмбурд æнцæ Уæрæсей алли регионти разамонгутæ æма къуæрей дæргъи сæрмагонд æфсæддон операций архайгутæн агъази нæуæг мадзæлттæ ’ргъуди кæнунбæл архайдзæнæнцæ. Æргом раздахтонцæ операций архайгутæн, тугъди будурæй цæфти хæццæ ка исæздахтæй, уонæн кусти бунæттæ аразунмæ.

Фарстатæбæл лæмбунæг æрдзубанди кæнун, экспертти хæццæ фембæлдтитæ, региони социалон институттæ бабæрæг кæнуни рæуаги гъæуама фæззиннонцæ сæрмагонд фæндитæ. Уони фæрци фæстугъд адæм æнцондæрæй сæхецæн бунат ердзæнæнцæ граждайнаг царди.

Нæ республики  минæвар æ радзубандий куд фæббæрæг кодта, уотемæй стажировки архайгутæ ци практикон фæндитæ иссеронцæ, етæ хуарз фæййагъаз уодзæнæнцæ ветерантæн кусти бунæттæ иссерунæн æма кустдæтгутæ æма паддзахади ’хсæн бастдзийнæдтæ федардæр кæндзæнæнцæ.

Аци мадзали рæстæг æ архайгутæ бабæрæг кæндзæнæнцæ кусти бунæттæдæттæг службитæ, уоми лæмбунæг базонгæ уодзæнæнцæ ветеранти царди историй хæццæ.  Фæндуй сæ, сахъат адæмæн кусти бунæттæ ка исаразта, еци кустуæтти фæлтæрддзийнади хæццæ базонгæ ун. Гъæуама кæронбæттæн стажировки архайгутæ багъæуай кæнонцæ сæ проекттæ, уони хæццæ уодзæнæнцæ кустдæтгутæн фæййагъаз кæнун, ахурадон программитæ. Хуæздæр проекттæ бахæсдзæнæнцæ федералон æмвæзадæмæ идарддæр парахат кæнуни нисани хæццæ.

Республикæ Цæгат Иристон-Аланий Сæргълæууæг æма Хецауади пресс-службæ