Уæрæсей разамунди унаффæй 2026 анзи лæвар медицинон агъаз лæвæрд цæудзæнæй инсæй неземæй фулдæр сæйгæ адæмæн. Паддзахадон зæрдæдарæнти программи финст æрцудæнцæ тагъд агъази, фиццаградон специалистти, гъома, бæрзондтехнологон лæвар медицинон агъази хузтæ.

Фари хæццæ рабаргæй, лæвар медицинон агъаз лæвæрд кæмæн цæуй, комкоммæ еци незтæ æма уавæртæ уоййасæ æййивддзийнæдтæ нæ баййафтонцæ. Уони хæццæ ’нцæ инфекцион æма паразитон незтæ, бауæрбæл æрзайгæ незтæ, эндокринологий, нервити, тоги, тоги зелдохи, бауæри, æстæгути-хæцъæфти, цæстити, гъости, уолæфæнти, хуæруйнагтайуни, коми, ургти незтæ.

Лæвар медицинон агъаз кæндзæнæнцæ цæфтæ, тæссаг хуаллагæй фегъæстæ уни, æнгъæлдзау уни, æнгъæлдзаудзийнадæ бауорамуни, сабийтæмæ перинаталон æмгъуди ци уавæртæ фæззиннуй, уони. Хигъди æнцæ хуаллаг хуæруни æма организмæн гъæугæ хуæлци зелдохи фехæлди, иммунон ихæлдтити, хромосомон, психикон гъæуагæдзийнæдти незтæ.

Нæуæг программи фæуурухдæр æнцæ граждæнти алли къуæрттæн лæвар медицинон агъаз кæнуни равналæнтæ. Зæгъæн, æнгъæлдзау силгоймæгтæн ес сувæллон райгуруни размæ циуавæрдæр ихæлдтитæ рабæрæг кæнуни барæ, гъома, кълетки ДНК мади тогæй исбæрæг кæнун.

18 анзæй 40 анзей уæнгæ граждæнтæн сæ бон æй лæвар тоги липопротеиды (а) æмвæзадæ исбæрæг кæнун. 18 анземæй 39 анзи уæнгæ сæйгитæн сæ бон уодзæнæй еу хатт æхсæз анземæ липидон профиль исбæрæг кæнун, уомæй хестæр ка ’й, уонæн лæвар уæхæн анализ кæндзæнæнцæ æртæ анзи еу хатт.

Бæрæггонд æрцудæй диспансеризаций бæрцæ, силгоймагæй-нæлгоймагæй цæуæт  кæнуни фадуæттæ. Гъæуама силгоймæгтæ æма нæлгоймæгтæ уонцæ 35 проценти, сæ карæ – 18 анземæй 49 анзи уæнгæ. Цæуæт кæнуни фадуæттæ æвзаргæй силгоймæгтæн кæндзæнæнцæ сæрмагонд анализтæ, гъома, папилломи вирус бæрæг кæндзæнæнцæ. Æнæмæнгæ медицинон фæдзæхстади  фæрæзнитæ еу адæймагæн 2026 анзи æнцæ 23 мин соми, бюджети фæрци ба – 5,4 мин соми. Аци анз Æнæмæнгæ медицинон фæдзæхстади программæ фæппарахатдæр æй, сæрмагонд медицинон, бæрзондтехнологон агъази фæрци. Раки кæцидæр хузтæн фитодинамикон терапи кæнуни, цæстити незтæн операцитæ кæнуни, кардиовертера-дефибрилятор баййевуни, незгун ургтæ баййевуни туххæй.

Фиццаг хатт исбæрæг æнцæ медицинон агъаз кæнунæн æма каргун адæмæн пневмококки инфекцити нихмæ вакцинацийæн финансон фæрæзнитæ, уомæй уæлдай – незтæ рартасуни нæуæг равналæнтæн, зæгъæн, ниййерæги тогæй игуруни кълетки ДНК исбæрæг кæнун.