2026 анзи пълани бундорбæл арæзт æрцæудзæнæй пенситæ, ниййергути капитал æма социалон пособити индексаци.

Уой туххæй журналисттæн радзурдта юридикон наукити доктор Вадим Виноградов.

Эксперти дзубандимæ гæсгæ, федералон Хецауади унаффи проекти куд загъд ес, уотемæй иннæ анз амунд социалон феддонти индексаций бæрцæ уодзæнæй 2025 анзи инфляций бæрæггæнæнти æмвæзадæбæл. Рагацау нимадмæ гæсгæ, инфляций еци бæрцæ рæстæмбесæй уодзæнæй 6,8 проценти.

Уой хинцгæй, 2026 анзи январи фæдзæхстадон пенситæбæл бафтуйдзæнæй 7,6 проценти (уотемæй сæ рæстæмбесон бæрцæ исуодзæнæй 27,1 мин сомей бæрцæ). Социалон пенситæбæл 1 апърелæй фæстæмæ бафтуйдзæнæй 6,8 проценти (сæ рæстæмбесон бæрцæ исхъæртдзæнæй 16 590 сомей бæрцæмæ).

Нæуæг анзи фæффулдæр уодзæнæй ниййергути капитали бæрцæ дæр: фиццаг сувæллони номбæл дæтдзæнæнцæ 737,2 мин соми, дуккаг сувæллони номбæл – 974,1 мин соми.

Уой хæццæ ма пъланон индексаци фæззиндзæнæй æндæр социалон феддонти бæрцæбæл дæр. Юрист куд баханхæ кодта, уотемæй еци фарстати фæдбæл еугур хабæрттæ дæр исбæлвурд кæнæн уодзæнæй Паддзахадон лæггæдти портали «Хе кабинети», кенæ ба Уæрæсей Социалон фонди территорион дæлхайади.

(«ТАСС»)