Дигори райони социалон æма ахурадон-культурон къабæзти архайгути къуарæн сæ æновуд фæллойнæ æма æнтæстгин фæллойни туххæй æрæги лæвæрд æрцудæнцæ экологи æма цардарæзти æдасдзийнади наукити Æхсæнадæмон академий хуæрзеугутæ.

Академий профессор Елхъанти Аслан æма сахар Дигорай сæргълæууæг Къоцкити Эльбрус кадгин уавæри Кади гæгъæдитæ исаккаг кодтонцæ Дигори райони администраций культури управлений хецау Наталья Багомедовайæн, райони культури Хæдзари косгутæ Гуæздæрти Фатимæн, Куринти Зæлинæн æма Зæгæлти Ларисæн. Уæхæн хуæрзеуæг ма лæвæрд æрцудæй сувæллæнтти рæвдауæндонæ «Карапуз»-и гъомбæлгæнæг Еленæ Таченкойæн, рæвдауæндонæ «Калинка»-йи логопед Оксанæ Жилкинайæн, Мостиздæхи рагацау цæттæгæнæн къуари гъомбæлгæнæг Хударти Людмилæн æма æ агъазгæнæг Цæллати Альбинæн, Дигори райони æригон натуралистти станций директор Къорнати Зинаидæн æма æхсæнадон архайæг Тæкъоти Тамарæн.

Сæрмагонд æфсæддон операций архайæг Текъойти Гурамæн равардтонцæ орден «Намуси туххæй», хъазахъи æфсæдти болкъон Æбати Еленæн ба – майдан «Бæгъатæрти стъалу».

Хуæрзеугутæ райсгутæн зæрдиагæй райарфæ кодта Елхъанти Аслан:

– Дузæрдуггаг нæй, идарддæр дæр уæ архайд нæ райони цæргути дзæбæхдзийнадæн æнтæстгин ке уодзæнæй, е. Нæ зæрдæ уин зæгъуй æнæнездзийнадæ, æнæмаст цард, нæуæг уæлахезтæ, уоййасæбæл æновудæй ке æнхæст кæнетæ, еци ахсгиаг гъуддаги.