Цæгат Иристони Фæллойнæ æма социалон ирæзти æма Цæрæнуатон-коммуналон хæдзаради министрадти æмгустади фæрци социалон уагæй гъæуайкæнуйнаг адæймæгутæн уодзæнæй «донпурфгæнæн аргъ»-и хæрзтæй фæййервæзуни фадуат.

Донпурфгæнæн хигъдтæй арази ка нæй, уæхæн гъæуккаг адæймæгутæй хецауадæмæ æрбафтуйуй берæ гъæститæ.

Нæдæр дзæхæрадæнттæ, нæдæр бассейнтæ кæмæ нæййес, уæдта коммуналон лæггæдти æргътæ (уой хæццæ – «донпурфгæнæн хигъдтæ» дæр) зинтæй ка федуй, уæхæн пенсиесгутæ æма агъазгъæуагæ бийнонтæ кæми цæрунцæ, донпурфгæнæни туххæй хигъдтæ, уæхæн хæдзæрттæмæ дæр æрбафтуйунцæ, зæгъгæ, гъæстити уотæ финст ес.

Амунд æууæл нимайгæй, региони цæрæнуатон-коммуналон хæдзарадæ, артаг æма энергетики министр Хъарати Тимур Цæгат Иристони фæллойнæ æма социалон ирæзти Министрадæн бафæдзахста фæккæсуйнаг адæймæгутæн донпурфгæнæн хигъди фарста еумæйагæй ралух кæнун.

Донпурфгæнæн хигъдти феддонтæ адæмæн нæуæгæй банимайуни фадуат цæй бундорбæл уодзæнæй, нæ республики фæллойнæ æма социалон ирæзти министр Абайти Юрий социалон гъæуайкæнуйнади оргæнтæн байихæс кодта социалон уагæй фæккæсуйнаг адæмæй уæхæн курдиæттæ æрæмбурд кæнун.

«Водоканал»-и специалисттæмæ бунатмæ хуæдбарæй æрбацæуни æма си феддонти бæрцæ нæуæгæй бахинцуни барæ ке нæййес, уой нимайгæй, фæллойнæ æма социалон ирæзти Министради архайди фæрци уодзæнæй феддонти бæрцæ нæуæгæй банимайуни фадуат.

Донпурфгæнæн хигъдæй агъазгъæуагæ адæймæгути комкоммæ уагæй нæ фæццох кæндзæнæнцæ, фал ес цæрæнуатон-коммуналон лæггæдтæн субсидий æма агъази æндæр регионалон мадзæлтти фæрци еугур коммуналон лæггæдти (донпурфгæнæн хигъдтæ дæр хинцгæй) феддонти бæрцæ бæлвурд фæмминкъийдæр кæнуни фадуат. Аци гъуддаг исаразунæн адæймаги ихæс æй цæрæнуати бунатмæ гæсгæ адæми социалон гъæуайкæнуйнади оргæнтæмæ, кенæ берæкъабазгин центртæмæ бахатун.

Республикæ Цæгат Иристон-Аланий Цæрæнуатон-коммуналон хæдзаради, артаг  æма энергетики министради пресс-службæ