Цæгат Иристони  2022 анзæй фæстæмæ ци регионалон проект «Æнæнездзийнадæ фæгъæддухдæр кæнуни медицинон реабилитаци» æнхæстгонд цæуй, е аци анз ба баргъондæргонд æрцудæй национ проект «Дæргъвæтийнæ æма сæрæн царди» фæрци. Нæ республики   ин ес хестæр кари адæм æма сувæллæнтти медицинон реабилитаций æртæ къæпхæни. Хестæр кари адæми дзæбæх кæнунцæ Республикон клиникон сæйгæдони, кæстæрти – сувæллæнтти Республикон клиникон сæйгæдони.

Аци анзæй фæстæмæ медицинон реабилитаций мадзæлттæ æнхæст кæнунцæ æхсæрдæс медицинон косæндони, уони хæццæ ’нцæ сувæллæнттæ дзæбæхгæнæн æртæ косæндони. Еудадзуг косæг сæйгæдæнтти ес 277 бунати, бонигон сæйгæдæнтти ба – 239.

Аци куст æнхæстгæнæг медицинон косæндæнттæ ефтонггонд цæунцæ нуриккон аппараттæй. Зæгъæн, фарæ еци нисани хæццæ Республикон клиникон, Сувæллæнтти республикон, Горæтгæрон райони сæйгæдæнттæ, 1-аг поликлиникæ нуриккон ефтонггæрзтæй банхæст кодтонцæ. Аци анз ба гъавунцæ Дзæуæгигъæуи 7-аг поликлиникæ исефтонг кæнун, исæвæрдзæнæнцæ си 33 миллион сомей аргъ аппараттæ.

Цæгат Иристони æнæнездзийнадæ гъæуайкæнуйнади  министради пресс-службæ