Дууæ боней дæргъи Дзæуæгигъæуи цудæй Уæрæсей тугъдон намуси сахарти цæдеси XVII-аг съезд. Уой игон кæнгæй аци сахарти Цæдеси сæрдар Анатолий Зотов загъта:

– Цæгат Иристони зæнхæбæл 1942 анзи советон æфсæдтæ тухгин нихкъуæрд равардтонцæ æма бауорæдтонцæ, Фæскавказмæ ка æмпурста, еци немуцаг-фашистон æрдонгтæ. Цæйбæрцæбæл æверхъау тох си цудæй, уомæн æвдесæн æнцæ, тугъдтитæ кæми цудæнцæ, еугур еци рауæнти æвæрд Намуси мемориалтæ. Цæгат Иристон æй нæ бæсти бæгъатæрдæр республикитæй еу, æма, æвæдзи, уомæ гæсгæ, нæ Цитгин Уæлахези цуппаринсæй анзи ку бæрæг кодтан, уæд нæ фембæлд дæр ами исаразтан.

Съезди архайгутæн æма нæ республики иуазгутæн райарфæ кодта Цæгат Иристони Сæргълæууæг Сергей Меняйло.