Цæгат Иристони Сæргълæууæг Сергей Меняйлой Указмæ гæсгæ, нæуæганзон бæрæгбæнтти рæстæг – аци анзи 25 декабрæй нæуæг анзи 11 январьмæ – пиротехникæй пайда кæнунæн æвæрд цæунцæ гæрæнтæ.

Зингисервæзти æдасдзийнадæн фадуæттæ исаразуни фæдбæл уæлæнхасæн инженерон-техникон фæрæзнитæ кæми нæййес, цийфæнди уæхæн бæстихæйтти медæгæ, рæмугъдтитæй æма зингисервæзтитæй тæссаг объектти, хæдзæрти сæрти, балкъонти, лоджити, берæфатерон хæдзæртти тургъти, скъолати, сæйгæдæнтти, рæвдауæндæнтти, национ паркти, культурон бунти объектти фæзуæттæбæл, циртдзæвæнти, дингæнæн объектти рази, адæм берæгæйттæй кæми æрæмбурд унцæ, уæхæн рауæнти, уæдта дзиллон мадзæлтти рæстæг пиротехникæй пайда кæнуни гъуддагæн æвæрд цæунцæ гæрæнтæ.

Уæрæсей Федераций Æнæнгъæлæги уавæрти министради цæгатиристойнаг управлений пресс-службæ