Сæрмагонд æфсæддон операций демобилизацигонд архайгутæн ес медицинон реабилитаций æма санаторон-курортон дзæбæхкæнуйнади фæдбæл лæггæдтæ Уæрæсей Социалон фонди бæрниуæвæг реабилитацион центрти райсуни барæ.

Амунд фонд дзæбæхкæнуйнади еугур афони сæрмагонд æфсæддон операций раздæри архайгутæмæ цæстæ дардзæнæй. Адæймагæн ес санаторон-курортон дзæбæхкæнуйнадæ анзи дæргъи еунæг хатт райсуни барæ.

Реабилитацион центртæмæ рарветуни рæстæг ветерани æнæнездзийнади уавæри туххæй медицинон-социалон экспертизи бæрæггæнæнтæ бахинцунцæ. Амæй размæ медицинон æртасунадæ ка нæ рацудæй æма сахъат ка нæй, еци адæймагæн диагностикæ исæнхæст кæнунцæ реабилитацион центри æма ин дзæбæхкæнуйнади фæткæ хецæнæй байамонунцæ. Уæрæсей Бæгъатæри ном, кенæ фиццаг къуари сахъатдзийнадæ кæмæ ес, сæрмагонд æфсæддон операций архайгутæн ес дзæбæхкæнуйнадæ Социалон фонди реабилитацион центрти æнæ кезуйæй рандæуни барæ.

Адæймагæн ес дзæбæхкæнуйнадæ райсуни фæдбæл курдиадæ. Социалон фонди цæгатиристойнаг хайади еугур клиентон службитæмæ æма амунд лæггадæ æнхæстгæнæг берæкъабазгин центртæмæ барветуни барæ. Специалисттæ курдиади фæдбæл унаффæ рахæсдзæнæнцæ дууæ косгæ бонемæ æма фæстæдæр бони дæргъи курдиадæбарветæг адæймагæн унаффи туххæй хабæр фегъосун кæндзæнæнцæ.

Реабилитаций æма санаторон-курортон дзæбæхкæнуйнади фæдбæл лæггæдтæ цæмæй фæййаслан уонцæ, уой туххæй сæрмагонд æфсæддон операций ветерантæн реабилитацион центри уæнгæ æма фæстæмæ цæуни нади хæрзтæ бафедунцæ. Фæндаггаги хæрзтæ фист цæмæй æрцæуонцæ, уой туххæй ветерани ихæс æй курдиадæ барветун æма цудæвдесæг гæгъæдитæ курдиадæмæ бафтаун (дзубанди цæуй ефстæгтæй фæстæмæ транспорти цийфæнди хузтæбæл – поездбæл, хуæдтæхæгбæл, дони транспортбæл, автобус кенæ адæймаги хе хуæдтолгæбæл).

Уæрæсей Социалон фонди реабилитаций еугур центрти туххæй хабæрттæ финст æнцæ мæнæ ауæхæн официалон сайти: https://sfr.gov.ru/about/rehabilitation centers/.

Реабилитацион центр кæци рауæн æй, циуавæр æрдзон æма цæруйнади уавæртæ си ес, уони æма æндæр æууæлти туххæй бæлвурд хабæрттæ финст æнцæ амунд сайти.

Уæрæсей Социалон фонди еумæйаг контакт-центр: 8-800-100-00-01 (телефонæй бадзорæн ес лæвар; регионалон хайади кусти фæткæ: авдисæрæй цуппæрæнмæ – 9 сахаттемæй 18 сахаттей уæнгæ, майрæнбони ба – 9 сахаттемæй 16 сахаттей æма 45 минутти уæнгæ).

Уæрæсей Федераций Социалон фонди  цæгатиристойнаг хайади пресс-службæ