Хамид САВКУЕВИ конд хузæ.

Адæмон еудзийнади Бони хуæдразмæ ци социологон æрфæрститæ арæзт æрцудæй, уонæми архайгутæй еу уотæ загъта:

– Адæмон еудзийнадæ æз уотæ лæдæрун, æма æ сæрбæлтау гъæуама æмзунд-æмвæндæй архайæн, цæмæй нæ Фидибæстæ тухгиндæр кæна æма си нæ еумæйаг цард зæрдæмæдзæугæдæр кæна. Фал нæмæ, гъулæггагæн, ес уæхæнттæ дæр, кæцити фæндуй, цæмæй адæм æрбангон уонцæ æма етæ ба ин æ усхъитæбæл ислæугæй исгæппитæ кæндзæнæнцæ айдагъдæр сæхе бæлдтаг мулкгин бæрзæндтæмæ. Æма етæ ба се ’дзæсгондзийнадæй зæранхæссæг æнцæ…

Загъд бæргæ раст æй, фал, баруагæс уи уæд, еци хæлæфгæнгутæ уоййасæбæл берæ дæр нæ ’нцæ, уæдта не ’хсæнади медæгæ æгъдауæвæрæг нæ ’нцæ. Цардаразгутæ ’нцæ уодæй кæдзос æма зæрдæй федар дзиллæ. Æма етæ дæр куд нæ бæллунцæ зæрдæмæдзæугæ уагæмæ æма куд нæ тундзунцæ. Æцæг – тундзунцæ арфиаг гъуддæгутæ аразгæй æма уонæбæл æнцойнæ кæнгæй. Етæ ’нцæ фарнæхæссæг æма уони зундирахасти фæрци нæ Фидибæстæ алкæддæр уодзæнæй фæразон æма тухгин.