Нæ Фидибæстæй еуварсгонд рауæнти тугъдон цаути не ’фсæддонтæй ка архайдта, æма си æ ихæс рæстуодæй æнхæст кæнгæй ка фæммард æй, уони номерæнæн Уæрæсей алли анз дæр 15 феврали бæрæггонд цæуй тугъдонтæ-интернационалистти имисæн Бон. Аци бон ба уомæ гæсгæ нисангонд æрцудæй, æма евгъуд æноси 80-аг æнзти Афганистани зæнхæбæл тугъдтити ка архайдта, еци советон æфсæддон фæстаг хай рацудæй еци бæстæй. Уогæ 15 феврали нæ дзиллæ имисунцæ айдагъ Афгани тугъди архайгути нæ, фал ма берæ æндæр паддзахæдти тугъдон цаути не ’мбæстæгтæй ка архайдта, уони дæр. Уой фæдбæл нæ газети нуриуæнгæ дæр мухургонд цудæнцæ хецæн æрмæгутæ.