Нæ республики бæлвурдæй æнхæстгонд цæудзæнæй, «Иристони æхсарæ» («Доблесть Осетии»), зæгъгæ, программæ. Арæзт æй  сæрмагонд æфсæддон операций архайгути туххæй.

Цæгат Иристони разамунд куд лæдæрун кæнунцæ, уотемæй, Фидибæстæ гъæуай кæнуни ихæс æхемæ ка райста, уонæн фæззиндзæнæй фадуат сæхе сæ идарддæри сабур царди равдесунæн. Гъæуама сæхе иссеронцæ паддзахадон æма муниципалон служби, æхсæнадон организацитæ æма амалгъонади къабæзти.

Тугъди будури æхе бæ-гъатæрæй ка равдиста, кæцифæнди уæззау уавæрти дæр æ рæстмæ зундирахаст кæмæн нæ феййивта, етæ кæддæриддæр уодзæнæнцæ нæ адæми, нæ бæсти фарс. Уæхæн адæм мах гъæунцæ, æууæндæн сæбæл кæцифæнди къабази дæр сæхе тæккæ аккагдæр хузи ке равдесдзæнæнцæ, уомæй.

Кандидаттæ æвзаргæй нимад цæудзæнæнцæ сæ уодиконди менеугутæ тугъдон цаути сæхе куд равдистонцæ, циуавæр хуæрзеугути хецæуттæ ’нцæ, уонæмæ каст цæудзæнæй. Се ’хсæнæй ке равзаронцæ, уонæн искæндзæнæнцæ тесттæ, Æхсæнадон палати иуонгти хæццæ сæ багъæудзæнæй дзубанди кæнун. Уой фæсте ахур кæнун райдайдзæнæнцæ. Æхсæнадон палати иуонгтæ куд лæдæрун кæнунцæ, уотемæй программи архайгутæн уодзæнæй æмхузон уавæртæ, алцидæр конд цæу-дзæнæй бæрæггонд фæткæмæ гæсгæ.

28 февралæй фæстæмæ анкетæ ниффинсæн ес сайти. Нуртæкæ сæрмагонд æфсæддон операций тæлми ка ’й, етæ фарста гъæуама бахузæнон кæнонцæ бæсти гъæуайкæнуйнади министради.