Цæгат Иристони адæмон финсæг Цæголти Василийи (1921-2004) роман «Хуæнхти минæвæрттæ» хуарз зундгонд æй киунугæкæсгути цалдæр фæлтæремæн. Æ рæстæги уой бундорбæл финст пьесæмæ гæсгæ æвæрд æрцудæй спектакль.  Еци гъуддаги ахсгиагдзийнадæ нимайгæй, фæззиндтæй  спектакль иснæуæг кæнуни   фæндæ. Æма æнхæстгонд дæр æрцудæй – фарæ декабри спектакль (æ режиссер Уалити Гиви) æвдист æрцудæй Ирон театри сценæбæл. Театрдзаутæ аци ахсгиаг цаубæл хъæбæр зæрдæхцæуæнæй исæмбалдæнцæ, театри нæуæг исфæлдистадон куст сæ зæрдитæмæ хæстæг райстонцæ.

Уомæ гæсгæ ба цийнаг хабар æй е дæр, æма спектакль фæууинуни равгæ уодзæнæй, сæрди Дзæуæгигъæуи «Вахтангов. Путь домой», зæгъгæ, ци фестиваль арæзт цæудзæнæй, уой рæстæги. Нæкæси, фарæ аци фестивали Ирон театр равдиста спектакль «Гæздæнтæ». Устур æхцæуæнæй ибæл исæмбалдæнцæ театрмæ кæсгутæ.