Цæгат Иристони хъазар цæргутæ! Уæрæсей Бони туххæй райсетæ мæ зæрдибун арфитæ!

Е къæлиндари хумæтæг бон нæй, е æй уæрæсейæгти еумæйаг бæрæгбон. Æмхузонæй нин нæ зæрдæбæл æрлæуун кæнуй æности размæ, кæрæдземæн аргъгæнæг, кæрæдземæй арази уæвæг, еумæйаг нисантæмæ тундзæг берæ аллихузон адæмихæттитæ баргъон паддзахадæ куд исаразтонцæ, уой. Мингай æнзтæ кæбæл цæуй, аллихузон уæззау цардæй ка фæццардæй, еци рагфидтæлтæ нин сæ фæсте ниууагътонцæ тухгин, рæстаг æма деденæгкалгæ Уæрæсе.

Гъудити ранигъулгæй нæ цæстæ рахæссæн нæ бæсти евгъудбæл, нæ зæрдæбæл æрбалæуунцæ, историй тухстагдæр дзамантæй нæ адæмтæ куд сæрбæрзондæй рацæуиуонцæ, е. Уотемæй адæймаги зæрдæ байдзаг уй сæрустурдзийнадæй, нæ Райгурæн бæстæ уарзун рабарæн ес царди хæзнати хæццæ. Сабийдогæй нин Фидибæстæ ’й зонгæ, зæрдæмæ хæстæг, мах кæми цæрæн, нæ уедæгтæ кæми ’нцæ, еци уарзон бунати хузæн.

Дууæ æносемæй фулдæр рацудæй, Иристон хъисмæтлухгæнæн къахдзæф ку ракодта, цитгин паддзахади искондмæ ку байеу æй, уæдæй. Уæрæсей берæнацион бийнонти хай уогæй, абони мах разæнгардæй размæ цæуæн, усхъæй-усхъæмæ косæн, ирæзæн, нæ размæ пълантæ æвæрæн, нæ бæлдтаг нисантæбæл æмбæлæн. Уони кæнæн нæхе, нæ бийнонти, нæ хеуæнтти туххæй – нæ фидиуæзæг Иристони æма нæ Уæрæсей туххæй. Нæ паддзахадæ тухгин айдагъ æ равналæнтæй нæй, фал æ алли хецæн гражданини минкъий гъуддæгутæй дæр!

Абони еугур бæсти тугъдон службæгæнгути хæццæ еумæ ’нцæ Цæгат Иристони минæвæрттæ дæр. Етæ тох кæнунцæ Уæрæсей сабурдзийнади æма фарни сæрбæлтау, нæ исонибони æдасдзийнади туххæй. Знæгтæ тæрсунцæ не ’нгондзийнадæй, нæ уоди гъомусæй. Сæйрагдæр ба æй нæ федар еудзийнадæ, æ бундори ес еумæйаг истори, нæ фидиуæзæг æма нæ райгурæн зæнхæ уарзундзийнадæ.

Хъазар æмбæлттæ! Мах фæндуй нæ бæстæ тухгинæй, амондгунæй, деденæгкалгæй уинун. Гъæйдæ, æма идарддæр дæр уарзæн, аргъ кæнæн нæ Фидибæстæн, зæрдиаг фæллойнæ кæнæн, лæмбунæг уæн кæрæдземæ!

Мæ зæрдæ уин зæгъуй фарнæ, цийнæдзийнадæ æрбунæттон уæд уæ хæдзæртти! Бæрæгбони, Уæрæсей Бони хуарзæнхæ уæ уæд!

Сергей МЕНЯЙЛО, Республикæ Цæгат Иристон-Аланий Сæргълæууæг.