Анзи райдайæнæй нуриуæнгæ Цæгат Иристони цæрæг 190 мин адæймагемæй фулдæр рацудæнцæ диспансеризаци. Алливæрсугон диспансеризаци рацæуæг адæми нимæдзæ рауадæй 20 минемæй фулдæр, незтæй багъæуай кæнуни фæдбæл æртæститæ ба æнхæстгонд æрцудæнцæ минкъий гъæуагæй 25 мин адæймагемæн.

Уомæй уæлдай, 100 мин сувæллонемæй фулдæр рацудæнцæ незтæй багъæуай кæнуни фæдбæл æртæститæ.

Уæлдай фулдæр æргом ’здахунцæ репродуктивон æнæнездзийнадæмæ: специалистти унаффитæ, уæдта ультразæлон, лабораторон æма æндæр æртæститæ кумæ хаунцæ, нуриуæнгæ 32 мин цæгатиристойнагемæй фулдæр архайдтонцæ уæхæн программи.

Цæугæ медицинон комплекстæ дæр сæ куст кæнунцæ. Минкъий гъæуагæй 45 мин адæймаги медицинон æртасуйнадæ ке фæрци рацудæнцæ, анзи райдайæнæй нурмæ аци комплекстæ банхæст кодтонцæ 1100 уæхæн рацудæй фулдæр.

Амунд мадзæлтти фæрци медиктæн ес незтæ рагацау рахатун æма сæ ахедгæ уагæй исдзæбæх кæнуни фадуат. Цæгатиристойнæгтæмæ ес еугур амунд æртæститæ Æнæмæнгæ æнхæст кæнуйнаг медицинон фæдзæхстади фæткæмæ гæсгæ лæвар рацæуни барæ.