Культури косгути Еумæйагуæрæсеуон профцæдеси Цæгат-Иристойнаг республикон организаций сæрдар Годжиати Еленæ нæ дзиллæн æрветуй æ нæуæганзон арфитæ:

– Нæ цитгин æмгустгæнгутæ! Нæ хъазар æмбæлттæ!

Хъæбæр зæрдæхцæуæнæй уин арфæ кæнун Нæуæг 2026 анзи æма Цæппорсей фæдбæл. Хъæбæр бæлгæй кфæмæ фенгъæлмæ кæсæн, еци бæрæгбæнтти хуæдразмæ уæлдай æхцæуæнæй арфæ кæнун нæ профцæдеси иуонгтæй алкæмæн дæр сæ лæгигъæдгундзийнади, нæ еумæйаг гъуддаги сæ еузæрдиуондзийнади, гъуддагмæ арæхстгиндзийнади æма хъæппæресгиндзийнади туххæй.

Уонæй алке рæстуодæй фæллойни фæрци нин æнтæсуй нæ размæ æвæрд ихæстæ гъæугæ хузи æнхæст кæнун, уой хæццæ ма ни федарæй æруагæс кæнуй, идарддæр нæ равгитæ æма гæнæнтæй никки уæлахезондæрæй пайдагонд ке цæудзæнæй, е. Æма нин нæуæг анзи ке исуодзæнæй нæуæг, никки агъазиаудæр æнтæстдзийнæдти, никки барæуадзæдæр уæлахезти, æскъуæлхтдзийнæдтæн аккаг аргъ кæнуни рæстæг. Уадзæ æма е исуа нæ царди рохсдзийнæдти тæккæ ирддæр, тæккæ æхцæуæндæр тæлмæнти, царди æма кусти надбæл рæствæндаг кæнуни, æхцæуæн цаутæ æма хабæртти дзаман!

Лæдæрд æй, алкедæр ни хуæрзамондмæ ке бæллуй, е, æма уин мæ зæрдæ зæгъуй, цæмæй уæ еугур фæндитæ дæр зæрдæмæдзæугæй куд исæнхæст уонцæ, уæ хæдзæрттæ фарнæй райдзаст куд уонцæ, уарзондзийнадæ æма кæрæдзей лæдæрундзийнадæй зæрдирай куд уайтæ, уæ хестæртæ æнæнезæй æма сæ кæстæрти амондæй зæрдрохс уогæй, хуæрззæрæ куд кæнонцæ, уæ кæстæртæ ба рæсугъдæй куд байлæгъ кæнонцæ æма уин сæ ирисхъи гъуддæгутæ цийнаг куд уонцæ!..

Нæуæг анзи уи алкедæр амонд æма фарнæй хайгин уæд!..