Æвддæс æма инсæй анзей размæ, 1989 анзи 15 феврали нæ Фидибæстæмæ ’рбаздахтæнцæ, Афганистани зæнхæбæл сæ интернационалон ихæс дæс анзей дæргъи ка æнхæст кодта, Советон Æфсади еци хæйттæ еугурæйдæр. Æма уæдæй фæстæмæ еци бон бæрæггонд цæуй куд тугъдонтæ-интернационалистти имисæн Бон.

Афганистани зæнхæбæл архайæг 40-аг æфсади командæгæнæг, Советон Цæдеси Бæгъатæр инæлар Борис Громов уотæ загъта: «Федарæй зæгъун уой, æма советон æфсæддонтæ кæрæй-кæронмæ æнтæстгинæй исæнхæст кодтонцæ, сæ размæ ци ихæстæ æвæрд адтæй, уони!..» Æнхæст ба искодтонцæ, гъулæггагæн, хъæбæр æгæрон уæззау аргъ бафедгæй – еци тугъдон цаути фæммард æнцæ финддæс мин æфсæддони, уонæй ба æвддæс æма æртинсæй адтæнцæ не ’мзæнхонтæ. Уони рохс нæмттæ æма сæ лæгдзийнадæ нин æностæмæ имисуйнаг æнцæ…