Дзæуæгигъæуи ралæудтæй, «Бакæсетæ син сæ цæсгæнттæмæ», зæгъгæ, акций архайуни барæ райсуни туххæй курдиæдтæ бадæттуни рæстæг.

Аци акци арæзт æрцудæй æхсæз анзей размæ Цæгат Иристони Сæргълæууæг
Сергей Меняйлой хъæппæресæй. Цитгин Уæлахези бони размæ Устур Фидибæстон тугъди ветеранти къартæ æвæрд æрцæунцæ нæ республики еугур сахартæ æма гъæути, уæдта нæдти фæйнæ фæрсти рекламон уæлцъартæбæл: лæууæн бунæтти, афишитæ æма видеопилонтæбæл.

Аци арфиаг гъуддаги архайуни туххæй сæрмагонд гæгъæдитæ бадæттæн ес Дзæуæгигъæуи  берæкъабазгин центртæмæ:

Фæстерккаг райони:

Доватори проспект, 8-аг хæдзарæ;

Цæгат-Нигулæни райони:

Цоколати Геннадийи гъæунгæ, 5-аг хæдзарæ;

Промышленнон райони:

Мичурини гъæунгæ, 67-аг хæдзарæ.

Бæлвурддæр хабæрттæ базонæн ес телефонæй: 8-800-444-62-15.

Курдиадæ ци адæймаг дæтта, уомæ æ хæццæ гъæуама уа паспорт,  уæдта ветерани туххæй информаци: муггаг, ном, фиди ном; къарæ электрон хузи кенæ ба гæгъæдибæл; амунд уонцæ æ райгурди æма æ рамæлæти æнзтæ; е ’скъуæлхтдзийнæдти хабæрттæ æма, кæд имæ хуæрзеугутæ адтæй, уæд уони байамонун.

Фарæ аци акций ка архайдта, еци граждæнти нæбал гъæуй курдиадæ бадæттун.