Республики Фæллойнæ æма социалон ирæзти министрадæ адæмæн сæ зæрдæбæл лæуун кæнуй, цæрæнуатон-коммуналон лæггæдтæ федун æнцондæр цæмæй уа, уомæн ке ес паддзахадон агъаз – субсиди.

Кæмæн си ес пайда кæнуни барæ? Уæхæн барæ ес, сæ еумæйаг æфтуйагæн æ 21 процентемæй фулдæр коммуналон феддонтæ кæмæн «нихъуæрунцæ», уæхæн бийнонтæн. Уотæ амонуй закъон. Субсиди цæйбæрцæ уодзæнæй, е нимад цæуй, фатери финст ка ’й, еци бийнонтæ цал æнцæ, фæстаг æхсæз мæйемæ сæ еумæйаг æфтуйæг цæйбæрцæ адтæй, федаргонд ка ’рцудæй, коммуналон лæггæдтæн сæ еци аргъ региони цæйбæрцæ ’й, етæ.

Уæхæн бийнонтæн субсиди лæвæрд цæмæй æрцæуа, уой туххæй ес еунæг домæн – коммуналон феддонтæй ихæстæ син гъæуама ма уа.

Субсиди райсæн ес, цæрæнбунатмæ гæсгæ кумæ хауй, социалон æгъдауæй лæггадæгæнæг еци центрмæ, портал «Госуслуги»-мæ курдиадæ бадæтгæй, кенæдта бацæун гъæуй хæстæгдæр ка ’й, берæкъабазгин еци центрмæ (МФЦ).