Уæрæсей Социалон фонди цæгатиристойнаг хайадæ æфтуйаги 10 процентей уæнгæ уæлдæр бæрци хæццæ берæсувæллонгин бийнонтæн гъæугæ феддонтæбæл проактивон уагæй æрдзубанди кæндзæнæй.

Аци анз еумæйаг пособий æмгъуд радаргъ кæнуни фæдбæл курдиадæ ка барвиста, фал æфтуйæгти тæккæ фулдæр бæрцæ 10 процентей уæнгæ уæлдæр ке æй, уой туххæй пособи ка нæ есуй, тæккæ минкъийдæр æртæ сувæллони гъомбæлгæнæг, еци ниййергутæн феддон автоматикон уагæй исæвæрдзæнæнцæ. Закъони амунд нормæ архайун райдайдзæнæй аци анзи 22 майæй фæстæмæ.

Архайæг нормитæмæ гæсгæ, æфтуйаги æмвæзадæ хуæрзминкъий фулдæр æй, уæддæр бийнонтæ пособи есуни барæй атвоматикон уагæй фæццох унцæ (паддзахади ’рдигæй агъаз уæлдай ахсгиагдæр кæмæн æй, аци æууæл, фиццагидæр, фæббæрæг æй уæхæн берæсувæллонгин бийнонтæбæл). Аци анзи 20 феврали федаргонд нæуæг федералон закъон куд амонуй, уотемæй пособи есуни рæстæг ке æфтуйагæ фæффулдæр æй, еци бийнонтæмæ уодзæнæй радон курдиадæ барветуни рæстæг феддони æмгъудбæл никкидæр ма анз бафтауни барæ.

Æфтуйагæ бауадзуйнаг бæрцæй минкъий фулдæр ке æй, уой туххæй амæй размæ еумæйаг пособи кæмæн нæ исæвардтонцæ, закъонмæ хаст æййивддзийнæдти рæуаги нур еци бийнонтæн никкидæр ма анзи æмгъудмæ исæвæрдзæнæнцæ республики фæццæрунæн гъæугæ тæккæ минкъийдæр хæрзти бæрцæй 50 процентей бæрцæ феддон.

Аци анзи январæй фæстæмæ ке рахастонцæ æма нæуæг нормитæ кæбæл хъæртунцæ, Социалон фонди республикон хайадæ проактивон уагæй æрдзубанди кæндзæнæй аразий дзуапп ма раттуни фæдбæл, еци унаффитæбæл. Бийнонтæбæл ескумæ дуккаг хатт курдиадæ æртветуни ихæс æвæрд нæ уодзæнæй, ниййергутæн хаст унаффи туххæй хабар портал «Госуслуги»-й фæрци фегъосун кæндзæнæнцæ. Аци ниййергутæн исæвæрдзæнæнцæ региони фæццæрунæн гъæугæ тæккæ минкъийдæр хæрзти бæрцæй 50 процентей бæрцæ феддон. Аци анз Цæгат Иристони сувæллæнттæн фæццæрунæн тæккæ минкъийдæр хæрзти бæрцæ ’й 16534 соми, æма уотемæй берæсувæллонгин бийнонтæн пособий бæрцæ уодзæнæй 8267 соми.

Уæрæсей Социалон фонди еумæйаг контакт-центр: 8-800-100-00-01 (телефонæй бадзорæн ес лæвар).

Уæрæсей Федераций Социалон фонди цæгатиристойнаг хайади пресс-службæ