Устур Фидибæстон тугъди Уæлахези 81 анзей размæ Уæрæсей Социалон фонди цæгатиристойнаг хайадæ тугъди архайгутæ æма инвалидтæн апърели пенсий хæццæ еумæ барветдзæнæй аллианзон æхцай агъаз.

Банктæ æма пости хайæдтæ хе фæткæмæ гæсгæ алли ветеранмæ дæр æхцай фæрæзнитæ бахъæртун кæндзæнæнцæ. Бæсти Президенти Указ куд амонуй, уотемæй, Устур Фидибæстон тугъди комкоммæ уагæй ка архайдта, дæс мин сомей бæрцæ еци адæймæгутæн ратдзæнæнцæ. Райсдзæнæнцæ ’й Цæгат Иристони нæудæс адæймаги.

Агъаз райсунæн нæдæр ветерантæбæл, нæдæр сæ хеуонтæбæл курдиæттæ ескумæ æрветуни ихæс æвæрд нæййес – æхца ветеранмæ рарветдзæнæнцæ æнæ курдиатæй, Социалон фонди хайадæмæ ка ес, еци бæрæггæнæнти фæрци. Агъаз ка есуй, еци адæми номхигъдтæ исбæлвурд кæнун æма ’й адæммæ ка хъæртун кæнуй, еци косæндæнттæ æхцайæй исефтонг кæнуни фæдбæл рагацау куст нуриуæнгæ æнхæстгонд æрцудæй.

Аллианзон финансон агъази туххæй Указ куд амонуй, уотемæй, Устур Фидибæстон тугъди дзамани тохæг æфсади ка службæ кодта кенæ тугъдон архайди районти территоритæбæл ка фæссахъат æй, фæццæф æй, кенæ ба си ка фæссæйгæ ’й, пособитæ федунцæ еци ветерантæн. Уомæй уæлдай ма ’й раттунцæ Устур Фидибæстон тугъди дзамани тугъдон операцити архайди, тохæг æфсади æфсæддон хæйтти æма знаги фæскъилдуни, кенæ фæсарæйнаг паддзахæдти территоритæбæл сæрмагонд ихæслæвæрдтæ æнхæст кæнуни туххæй, уæдта еуæй-еу æндæр æууæлтæмæ гæсгæ.

Указмæ гæсгæ æхцай агъаз райсуни барæ ес айдагъ уæрæсейаг ветерантæн нæ, фал ма Балтий денгизи билгæрон паддзахæдти – Советон Цæдеси раздæри республикитæ Эстоний, Латви æма Литвай – цæрæг Устур Фидибæстон тугъди архайгутæн дæр.

Исæвзæрæг фарстати фæдбæл 8-800-100-00-01 телефонæй лæвар бадзорæн ес Уæрæсей Социалон фонди Еумæйаг контакт-центрмæ (Уæрæсей Федераций Социалон фонди цæгатиристойнаг хайади кусти фæткæ: авдисæрæй цуппæрæнмæ: 9.00 сахаттемæй 18:00 сахаттей уæнгæ, майрæнбони ба – 9.00 сахаттемæй 18 сахатти æма 45 минутей уæнгæ).

Уæрæсей Федераций Социалон фонди цæгатиристойнаг хайади пресс-службæ