Не ’мзæнхон, номдзуд скульптор Соскъити Владимири куститæ зундгонд æнцæ æнæгъæнæ дуйней. Цалдæр си æвæрд æнцæ Дзæуæгигъæуи дæр æма Цæгат Иристони æндæр рауæнти дæр.

Нур ба нæ республики аййевадæуарзгутæн фадуат фæззиндзæнæй æ исфæлдистади хæццæ бундорондæрæй базонгæ унæн. Рæхги, 15 августи Дзæуæгигъæуи Сæребари фæзи арæзт æрцæудзæнæй æ исконд скульптурити равдист.