Паддзахади харзӕй медицинон агъаз райсӕн кутемӕй ес, уой базонӕн ес  Уӕрӕсей  ӕвӕстеуатон телефони бастдзийнади фӕрци.

Уӕззау сӕйгӕ сувӕллонӕн гъӕугӕ дзӕбӕхкӕнуйнадӕ ӕма хуастӕй ефтонггадӕ бафедун ке бон нӕй, уӕхӕн ниййергутӕн проект «Медицинон агъазагорӕг хуӕрзауодӕн службӕ «Раст фӕндаг»-и ӕнхӕсткӕнуйнади фӕткӕмӕ гӕсгӕ косун райдӕдта ӕвӕстеуатон телефони бастдзийнади лини. Хуӕдбарӕ ӕнӕкоммерцион косӕндонӕ «Нӕуӕг проекти ӕнхӕсткӕнуйнади фӕдбӕл стратегион фӕндӕнтти агентадӕ»-йи агъазӕй фарӕй нурмӕ проект ӕнхӕст кӕнунцӕ.

Хуӕдбарӕ ӕнӕкоммерцион косӕндонӕ «Раст фӕндаг»-и специалисттӕ паддзахади, хуӕрзауодӕн фондтӕ ӕма агъазиау компанити харзӕй медицинон агъаз райсуни аллихузон фӕндӕнттӕ лӕвар агорунцӕ, ниййергутӕ гъӕугӕ агъаз цалинмӕ райсонцӕ, уӕдмӕ сӕмӕ цӕстӕ даргӕй. Бадзорӕн ес мӕнӕ уӕхӕн телефонӕй: 8-800-303-30-30.

Уой хӕццӕ, Служби кусти фӕткӕ амонуй регионти цӕрӕг адӕми дзӕбӕхкӕнуйнади, уӕдта сӕ хуастӕй ӕма реабилитаций техникон фӕрӕзнитӕй ефтонгкӕнуйнади хӕрзтӕ бафедуни фадуӕттӕ иссерунӕн ӕнӕнездзийнадӕ гъӕуайкӕнуйнадӕ ӕма социалон ирӕзти управлений оргӕнти косгути хӕццӕ парахат ӕмгустадӕ.

Нури уӕнгӕ 37 уӕрӕсейаг региони еугонд ӕнцӕ уӕлдӕр амунд телефони хӕццӕ. 360 бийнонтемӕн агъазгонд ӕрцудӕй. Аци анз фӕййагъаз кӕндзӕнӕнцӕ тӕккӕ минкъийдӕр 700 бийнонтемӕн.

Бӕрнон адӕймаг – Антон Владимири фурт Яремчук, хуӕдбарӕ ӕнӕкоммерцион косӕндонӕ «Раст фӕндаг»-и генералон директор, телефон: +7-926-207-62-00, ay@vernap.ru.

Республикӕ Цӕгат  Иристон-Аланий мухур ӕма дзиллон

коммуникацити гъуддӕгути Комитети пресс-службӕ