КУЧИТИ Заур, Цæгат Иристони экономикон ирæзти министр:
– Нæ республики экономикон-социалон къабæзти харзгонд инвестицити бæрцæ евгъуд анзи рауадæй 34,6 миллиард соми. Уони фæрци æнæнездзийнадæ гъæуайкæнуйнади
46 социалон ахсгиаг къабази арæзтадæ æма бундоронæй райрæзт кæронмæ æнхæстгонд æрцудæнцæ.

НÆ ЦИТГИН Уæлахези 77-аг бæрæгбон исбæрæг кæнуни мадзæлттæй еу æй акци «Бакæсæ син сæ цæсгæнттæмæ…» Æ медес ба ‘й сахарти æма гъæути гъæунгти, уæдта ма æндæр дзиллон æзмæлди рауæнти исæвæрун баннертæ Устур Фидибæстон тугъди архайгути къарти хæццæ. Уомæ гæсгæ ба Дзæуæгигъæуи администраци игъосун кæнуй, сахари
цæргутæн равгæ ке ес уæхæн баннертæ лæвар исæвæруни равгæ. Уой туххæй сæ гъæуй 30 апърели курдиадæ бадæттун кенæ телефонæй бадзорун 53-59-77, кенæ ба мæнæ ауæхæн адресбæл бацæугæй: Ватутини гъæунгæ, 17, 2-аг уæладзуг, 212-аг уат.

НÆ БÆСТИ алли скъолай дæр 1 сентябрæй фæстæмæ ахурадон къуæре идайдзæнæй Уæрæсей Федераций паддзахадон туруса уæлæмæ есунæй æма Гимн зарунæй. В. Путин фарæ октябри нæ бæсти Хецауадæн байхæс кодта, цæмæй æрдзубанди кæнонцæ Уæрæсей турусайæй, герб æма гимнæй пайда кæнуни фарстабæл. Æма æрæги 13 апърели Хецауади Сæрдар Михаил Мишустин ци унаффæ бафинста, уомæ гæсгæ паддзахадон программæ «Ахуради ирæзт»-мæ æййивддзийнæдтæ хаст цæуй.
Скъолатæ паддзахадон символикæй ефтонггонд æрцæудзæнæнцæ национ проект «Ахуради» фæрæзнити харзæй.