– Куд нисангонд цæуй, уотемæй иннæ анз нæ республики бюджети æфтуйæгти бæрцæ гъæуама рауайа 38 миллиард сомемæй фулдæр, хæрзти бæрцæ ба – 39 миллиард сомемæй фулдæр. Ци дефицит исæвзуруйнаг æй, е ба гъæуама æрцæуа уæлæнхасæн æфтуйæгти æма æндæр фæрæзнити фæрци. Иннæ анзи бюджетæн æ сæйрагдæр нисанеуæг æй социалон – æ хæрзти 70 проценти уодзæнæнцæ ахурадæ, æнæнездзийнадæ, культурæ æма спорти фарстатæн дехгонд.

Анзи райдайæнæй фæстæмæ уæхæн комплекстæ 800 хатти бабæрæг кодтонцæ нæ республики еугур районтæ дæр æма уой фæрци 18,5 мин адæймаги исбæлвурд кодтонцæ се ’нæнездзийнади уавæр.  Национ проект «Æнæнездзийнадæ»-йи бундорбæл Цæгат Иристони медицинон косæндæнттæ фарæ райстонцæ дæс уæхæн комплекси. Ирæфи райони цæугæ фельдшерон-акушерон пункт, уæдта флюорогрæфтæ æма маммогрæфтæ. Еци нæуæгдзийнæдти фæрци нæ республики цæргутæн фадуат фæцæй бæрæг бæлвурд се ’нæнездзийнадæ исбæрæг кæнунæн, æма аци мадзал идарддæр дæр цæуй.

Адæми кæлæдздзаг хæдзæрттæй нæуæг цæрæнуæттæмæ раййевунæн федералон Хецауадæ Цæгат Иристонæн хæстæгдæр рæстæг уæлæнхасæн радех кæндзæнæй 68 миллион сомей бæрцæ. Уой фæдбæл сæрмагонд унаффæ исфедар кодта Уæрæсей Федераций Хецауади Сæрдар Михаил Мишустин. Федералон Хецауади пресс-служби минæвар куд радзурдта, уотемæй еци фæрæзнити фæрци нæуæг цæрæнуæттæ дæтдзæнæнцæ, сæ нури хæдзæрттæ 2017 анзи 1 январи агъоммæ кæлæдздзагбæл кæмæн банимадтонцæ, уæхæн адæмæн.