Тагъд рæстæги Цæгат Иристони игонгонд æрцæудзæнæнцæ «Курчатови кълæстæ». Проекти нисан æй æригон фæлтæри раст æма æрдзон наукитæбæл æхцул кæнун. Уæхæн кълæстæ Дзæуæгигъæуи косун райдайдзæнæнцæ 38-аг æма 44-аг скъолати бундорбæл. Кълæстæ ефтонг æнцæ лабораторитæй, устур æргом раздахдзæнæнцæ æмауæдзæ предметтæ æма дисциплинитæмæ. Практикæ кæндзæнæнцæ центр «Уæлхонх»-и. «Курчатовон институти» разамунди загъдмæ гæсгæ, аци мадзал гъæуама фæййагъаз уа, цæмæй скъоладзау фæсевæдæн бæлдтаг уа айдагъ циуавæрдæр хумæтæг дæсниадæ райсун нæ, фал науки кæцидæр къабази ахургонд исун дæр.