Æрæги Дзæуæгигъæуи æвæрд æрцудæй номдзуд уруссаг хирург, анатом, ахургонд, нæ бæсти медицини къабазæмæ агъазиау наукон нæуæгдзийнæдтæ бахæссæг Николай Пирогови бюст. Æ исаразæг – зундгонд скульптор Хайти Ибрагим.

Николай Пирогов æ рæстæги Дзæуæгигъæуи æфсæддон госпитæли дæр кодта операцитæ. Е адтæй 1847 анзи.

Бюст игон кæнуни рæстæг нæ республики Парламенти Сæрдар Тускъати Таймораз куд загъта, уотемæй Николай Пирогови цард æма профессионалон архайд бафæнзуни аккаг æнцæ, æ дæснийадæ хъæбæр хуарз базонунмæ ка тундзуй æма си адæмæн аккаг хузи лæггадæ кæнунмæ ка гъавуй, уонæн сæ еугуремæн дæр.