Тускъати Тайморази кæддæр журналисттæ ку бафарстонцæ, хуæнхтæ æма денгизæй дин ка хецондæр æй, зæгъгæ, уæд æ дзуапп адтæй: «Хуæнхтæ!..» Ка ’й зонуй, хуæнхтæ ин сæ рæсугъддзийнадæй æнцæ уотæ зæрдæхцæуæн. Фал уони туххæй ку фæдздзоруй, уæд ци гъудитæ фæззæгъуй, уонæмæ гæсгæ ба ин, æвæдзи, зæрæдæмæдзæугæ фулдæр уомæ гæсгæ ’нцæ æма бæрзæндтæмæ хезгæй, адæймаги уодигъæдæ федардæр, царди къахкъуæрæнти сæрти дæр нифсхастдæрæй бахезунгъондæр ке кæнуй. Царди ба берæ хъоргæнæнтæ ке ес, æма дæ дæ карни тæходуйæгти уæлвонгмæ исхъæртун ку фæндæуа, уæд гъæуама исарæхса уонæй тухгиндæр унмæ, уой ба Таймораз хъæбæр хуарз зонуй æхе цардвæндаги фæлтæрддзийнадæй.

Ка ’й зонуй, уомæн æхуæдæг цидæр хатдзæгтæ кæнуй, уæлдайдæр ба абони – æнхæст ибæл кæнуй æртинсæй анзи. Зæрдиагæй ин арфæ кæнæн уой фæдбæл, абони нæ газети 3-5-аг фæрстæбæл ци æрмæгутæ мухур кæнæн, уонæй.