01 декабря 2022

ÆДЗАРД БÆГЪАТÆРТИ ХУÆРЗЕУГУТÆ – СÆ БИЙНОНТÆН

22.07.2022 | 11:22

ЦÆГАТ Иристони Сæргълæууæг Сергей Меняйло фембалдæй Украини зæнхæбæл сæрмагонд тугъдон опреаций архайгæй ка фæммард æй, еци æдзард тугъдонти хеуæнтти хæццæ. Æма хъæбæр хъонцгæнгæй син ратæфирфæс кодта. Æ радузбандий загъта:

– Нæ намусгин лæхъуæнтæ се ‘фсæддон ихæс исæнхæст кодтонцæ кадгинæй, гъулæггагæн, сæ царди аргъæй. Сумах гъæуама сурустур уайтæ уони æхсардзийнадæ æма бæгъатæрдзийнадæй. Етæ сæхецæн равзурстонцæ æфсæддон карнæ, æма нæ Фидибæстæ багъæуай кæнунмæ рацæугæй, сæхе иснивонд кодтонцæ уой æма сæ тугъдон æмбæлтти сæрбæлтау. Махæй, Иристони дзиллæй, сæ рохс нæмттæ иронх некæд уодзæнæнцæ.

Æдзард бæгъатæрти хеуæнттæн ратæфирфæс кодта Цæгат Кавкази æфсæддон зилди командæгæнæги бартæ рæстæгмæ æнхæстгæнæг инæлар-лейтенант Алибек Делимханов дæр:

– Сумах исгъомбæл кодтайтæ æцæг тугъдонти, Фидибæстæн хъæболи лæггадæ ка бакодта, уæхæн сахъигурдти.

Арфæ уин кæнун, æма уæбæл амæй фæстæмæ хуарз бонтæ цæуæд. Сергей Меняйло æма Алибек Делимханов бæгъатæрти хæстæгутæ æма сæ хеуæнттæмæ равардтонцæ, се ‘дзард тугъдонтæ хуарзæнхæгонд кæмæй æрцудæнцæ, еци Лæгдзийнади ордентæ.

Республики Сæргълæууæг ма фæббæрæг кодта, муниципалитетти разамундтитæ æма Цæгат Иристони социалон службити ихæс ке ‘й æдзард тугъдонти бийнонтæн алливæрсуг агъаз бакæнун.

Нæ уацхæссæг