Мæскуй Æнхæстдуйнеуон форум-равдист «Уæрæсе»-й рæстæг арæзт æрцудæй конкурс «Роза ветров». Архайдтонцæ си Уæрæсей 45 субъектей исфæлдистадон минæвæрттæ – фараст мин адæймагемæй фулдæр. Сæ хæццæ ба ма сæ дæсниадæ равдистонцæ Казахстани, Азербайджани, Беларуси, Германий, Турки артисттæ дæр. Ауæхæн агъазиау ериси фескъуæлхун æнцон кæми адтайдæ! Æма уæлдай æхцæуæн æй, уоми хуæздæрбæл нимад ке ’рцудæй не ’мзæнхзон кафгути ансамбль «Æрфæн», æ аййевадон разамонæг Мурасти Заринæ.