Дууæ боней дæргъи Пятигорски информацион центр ТАСС-и фæзуати æ куст кодта стратегион сесси. Дзубанди си цудæй, «1941-1945 æнзти Цæгат Кавкази федералон зилди геноцид бавзарæг советон адæмти нæмттæ исæносон кæнуни туххæй» федералон закъони ахедундзийнадæ цæмæй фулдæр æргомгонд цæуа информацион фæрæзнити, уой туххæй. Уой фæдбæл адтæнцæ сæ радзубандитæ Уæрæсей Президенти Цæгат-Кавказаг зилди Æнхæстбаргин минæвæри хуæдæййевæг Евгений Ткачевæн, Уæрæсей культури министри хуæдæййевæг Жаннæ Алексеевайæн, Паддзахадон Думи депутат Ольгæ Занкойæн æма æмбурди архæйæг иннæ бæрнон косгутæн.

Сессий дзурдтонцæ геноцид бавзарæг советон адæмти историбæл, æ фæстеугутæбæл, нуриккон цардбæл етæ куд фæббæрæг æнцæ, уой туххæй. Фæббæрæг кодтонцæ федералон закъони устур ахедундзийнадæ.