Устур æфтуйæггаг кæмæ нæййес æма æнгъæлдзаудзийнади райдайæн рæстæг номхигъдмæ бахæссуни туххæй курдиадæ ка барвиста, уæхæн 3743 цæгатиристойнаг силгоймагемæн пособитæ иснисан кодтонцæ.

Нури уæнгæ федæни ниййергутæн барвистонцæ минкъий гъæуагæй 20 миллион соми. 1 июнæй фæстæмæ Цæгат Иристони федæни ниййергутæн аллимæйон пособий бæрцæ æй 6207 соми. Нуртæккæ аци пособи нæ республики есунцæ 1295 силгоймаги.

Закъонмæ гæсгæ, пособий фæдбæл курдиадæбæл æрдзубанди кæнунцæ 10 косæн боней æмгъудмæ (хецæн уавæрти аци æмгъуд хъæртуй 30 косгæ бонемæ). Пособи ке туххæй федунцæ, æхца барветунцæ еци мæйи фæсте цæуæг мæйи 1 бонæй 25 бони уæнгæ.

Пособи федуни туххæй курдиадæ барветæн ес паддзахадон лæгæдти портали фæрци, кенæ ба – бæсти Пенсион фонди клиентон офистæмæ комкоммæ уагæй. Ведомствити æмархайди программи фæткæмæ гæсгæ, Пенсион фонд курдиадæ барветæги æма æ бийнойнæгти æфтуйæггæгти туххæй бæрæггæнæнтæ хуæдбарæй æрæмбурд кæнуй.

Косунгъон бийнойнæгтæй еу æфсæддон службæгæнæг, ервæзунгæнæг, пъæлици косæг, кенæ тухи æндæр ведомстви службæгæнæг кæд æй, уæдта бийнойнæгтæй еске наукон коснæдони, кенæ ахургæнæндони стипендитæ, гранттæ æма æндæр феддонтæ кæд есуй, уæд айдагъдæр курдиадæ барветæг силгоймæгти ихæс уодзæнæй гæгъæдитæ бавдесун.

Уæ зæрдæбæл уин лæуун кæнæн: æнгъæлдзаудзийнади фиццаг 12 къуæрей дæргъи номхигъдтæмæ ке бахастонцæ, уæхæн силгоймæгтæн ес пособи райсуни барæ, бийнойнаги æфтуйæггаг 12528 сомемæй (нуртæккæ Цæгат Иристони адæймагæн фæццæруни гъæугæ тæккæ минкъийдæр хæрзтæ æнцæ уойбæрцæ) фулдæр кæд нæй, уæд.

Феддони туххæй бæлвурддæр хабæрттæ финст æнцæ Пенсион фонди сайти (www.pfr.gov.ru) хайадæ «Райдайæн æмгъудти номхигъдтæмæ хаст æнгъæлдзау силгоймæгтæн аллимæйон пособи» – й.

Уæрæсей Пенсион фонди регионалон контакт-центр: 8-800-600-03-71, 51-80-92.