Анзи райдайæнæй нуриуæнгæ 5379 цæгатиристойнаг медицинон косæги есунцæ сæрмагонд социалон феддон. Аци гъуддаг исæнхæст кæнунæн бæсти Социалон фонди регионалон хайадæ радех кодта 391 миллион соми.

– Сæрмагонд социалон феддон фист цæуй æнæнездзийнадæ гъæуайкæнуйнади райдайæн къабази, уæдта тагъд медицинон агъази станцити æма дæлхайæдти косгутæн, – зæгъуй хаййади разамонæг Тæболти Солтан. – Аци анзи мартъийæй фæстæмæ аллимæйон социалон феддон федун байдæдтонцæ, 50 мин адæймагемæй минкъийдæр кæми цæруй, уæхæн сахартæ æма гъæути косæг дохтиртæн: феддони тæккæ фулдæр бæрцæ ’й 50 мин соми, астæуккаг медицинон косгутæн ба – 30 мин соми; 50-100 мин адæймаги кæми цæруй, уæхæн сахартæ æма гъæути косæг дохтиртæн федунцæ 29 мини, астæуккаг медицинон косгутæн ба – 13 мин соми. Нæ республики феддони тæккæ минкъийдæр бæрцæ ’й 4,5 мин соми.

Феддони æхца бахæссунцæ, амунд документи ке номертæ финст æнцæ, еци медицинон косæги банкон хигъдмæ. Социалонбæл ке нимайунцæ, еци сæрмагонд феддон медицинон косæги мизди бæрцæ нимайуни рæстæгмæ нæ кæсунцæ æма ибæл хъалон не ’вæрунцæ.

Уæрæсей Социалон фонди регионалон контакт-центр: 8-800-100-00-01 (телефонæй ба-дзорæн ес лæвар).

Уæрæсей Федераций Социалон фонди цæгатиристойнаг хайади пресс-службæ