18 апреля 2024

АХСГИАГ ФАРСТАТÆ

29.10.2022 | 12:40

Хайон фæдздзурдмæ гæсгæ нæ бæсти Гæрзефтонг тухти рæнгъитæмæ Цæгат Иристони цæргутæй кæмæ фæдздзурдтонцæ, уонæмæ æма сæ хеуæнттæмæ ци фарстатæ фæззиннуй, уонæбæл син цæмæй æнхæст дзуæппитæ лæвæрд цæуа, уой туххæй нæ республики Сæргълæууæг Сергей Меняйлой бафæдзæхстмæ гæсгæ региони разамунди Республикон центр æма бархеуонти агъази фæстауæрци Центри бундорбæл арæзт æрцудæнцæ æма косунцæ информацион-консультацион агъази колл-центртæ. Уордæмæ бадзорунæн телефони номертæ ’нцæ: 77-62-67 (косуй сæуми 8 сахаттемæй изæри 20 сахаттей уæнгæ).

* * *

Сæрмагонд тугъдон операций ка архайуй, уæдта хайон фæдздзурдмæ гæсгæ Гæрзефтонг тухти рæнгъитæмæ ке байагурдтонцæ, уонæмæ дæр æма сæ хеуæнттæмæ дæр уой фæдбæл ци фарстатæ исæвзуруй, уонæбæл син бæлвурд дзуæппитæ дæттуни нисанеуæгæй слестгæнæн управлений арæзт æрцудæй «Горячая линия», зæгъгæ, сæрмагонд мадзал. Уордæмæ бадзоруни телефон: 8-928-235-09-82, косуй лæвар, æнæгъæнæ сутки дæргъи.

* * *

«Багъæуай кæнæн гъæдæ», зæгъгæ, Еугуруæрæсеуон акций архайгæй, Алагири дууæ гектарей фæзуати арæзт æрцудæй сурх толдзи 1800 талай. Еци арфиаг гъуддаги архайдтонцæ гъæдгæсади косгутæ, Цæгат-Кавказаг гъæди хæдзаради косгутæ æма Алагири скъола-интернати ахурдзаутæ.

Æрæги Дзæуæгигъæуи арæзт æрцудæй фиццаг фæсевæдон-ахурадон æмбурд. Архайдтонцæ си республики уæлдæр æма астæуккаг сæрмагонд ахургæнæндæнтти ахурдзаутæ – æдеугурæй 400 адæймагемæй фулдæр. Æртæ боней дæргъи етæ аллихузон гæнæнти фæрци æрдзубанди кодтонцæ, фæсевæдæн абони сæ карнæ аразуни гъуддаги ахсгиаг ка ’й, еугур уæхæн фарстатæбæл.

* * *

Æнæмæнгæ медицинон фæдзæхстади Цæгат Иристони территориалон фонди директор Дзагойти Алани загъдмæ гæсгæ фонди бюджет 2023 анзи исуодзæнæй 11 миллиард соми.