24 майя 2022

АХУРИ НÆУÆГ АНЗ – НÆУÆГ БÆСТИХАЙЙИ

08.09.2020 | 12:52

Ахури нæуæг анз Цæгат – Кавказаг суворовон училищей ахурдзаутæ райдæдтонцæ, нæуæг бæстихаййи син ци нæуæг комплекс исаразтонцæ, уоми. Ци æхсæз æма инсæй объекти си ес, етæ нуриккон домæнтæмæ гæсгæ æфсæддон ахурæн цидæриддæр гъæуй, уомæй ефтонггонд æнцæ.
Училищей нæуæг бæстихай цитгин уавæри игонгонд æрцудæй зонундзийнæдти Бони. Уоми Уæрæсей гъæуай-кæнуйнади министри хуæдæййевæг Николай Панков загъта:
– Æруагæс ми кæнуй, ами ахур кæнгæй ци гъæздуг æфсæддон зонундзийнæдтæ райсдзинайтæ, етæ ке уодзæнæнцæ нæ бæсти фæрнугадæн. Ахур кæнетæ уæлахез унбæл æма уæ равзурст надбæл макæд фæккеуетæ.
Нæ республики Сæргълæууæг Битарти Вячеслав æ радзубандий уотæ баханхæ кодта:
– Аци училище сæдæ анзей размæ ку равзурдæй, уæдæй абони уæнгæ æ гъомбæлкæнуйнæгтæ кадæ æма намуси хæццæ хастонцæ æ рауагъдони ном. Устур Фидибæстон тугъди суворовонтæ-афицертæ устур æскъуæлхтдзийнæдтæ равдистонцæ Фидибæсти сæрбæлтау. Нур ци нæуæг уавæртæмæ бахизтайтæ, етæ ба уин никки хуæздæр æфсæддон цæттæдзийнади бундор æнцæ.