Июли æстæймаг бон къæлиндари нисангонд æй, куд аллергион незти хæццæ тох кæнуни еугурдуйнеуон Бон. Незихатт не ‘руадзуни къуæре нæ республики райдæдта 6 июли æма рахъæртдзæнæй мæйи дууадæсæймаг бони уæнгæ.

Зæнхи цъарæбæл цæргутæй сæ фулдæремæн, аци нез ци бауæргъæдтæ расайунцæ, уонæн сæ иммунон системæн зиан нæ хæссунцæ, иннетæн расайунцæ аллергикон незтæ. Бауæрмæ ку бахауй, уæд сæ нихмæ ниллæууй, антителатæ ‘взурун кæнун райдайуй. Дуйней сæдæгай миллион адæймаги ‘нцæ аллергион ринитæй сæйгæ, 300 миллиони ба – астмæй. Аци незтæ зингæ фæллæгъуздæр кæнунцæ пациенттæ æма сæ бийнонти цард.

Нези ‘вдесæнтæ – тухгин æхснирсæг, цæстисуг нæ уорамуй, бауæр рафадуй, адæймаг исæнæфæразгæ уй. Гæнæн ес, æма аллергенæй цардæн тæссаг уавæр дæр исæвзура. Гъулæггагæн, сæйгити нимæдзæ фулдæргæнгæ цæуй, нез идарддæр зæнхи цъарæбæл парахат кæнуй. Уæлдай ахиддæр расайуй астмæ, æхснирсæг, удурнæ, бауæр рафадуй, хъури дадзинттæ исæхгæнунцæ, хуæруйнаги æма хуастæй аллергийæ, саскъи маргмæ аллергийæ, уæдта цардæн еугуремæй тæссагдæр анафилактикон шок.

Ци хузи ес хе багъæуайгæнæн деденæг калун афони? Фадуат ку нæ уа еци рæстæг уордигæй æдас рауæнмæ рандæунæн, уæд уин фæдзæхсæн: æстæндæр цотæ гъæунгæмæ, æрдзи гъæбесмæ, уæ къæрæзгитæ æхгæдæй даретæ, пайда кæнетæ нуриккон уæлдæф кæдзосгæнæн системитæй, аллибон дæр цæрæнуат æфснайетæ цъифæ хæцъелæй, уæдта гъæунгæй æрбацæуни фæсте уæхе æртайетæ.

Уæхебæл ку фæссекк уайтæ, аллергийæ мæмæ ес, зæгъгæ, уæд уæхе уæхуæдтæ исдзæбæх кæнунбæл ма архайетæ! Айдагъдæр дохтир – аллерголог-иммунолог рабæрæг кæндзæнæй, цæмæй фæззиннунцæ нези бæрæггæнæнтæ, уой, æма равзаруй, циуавæр хуастæ ахедгæдæр уодзæнæнцæ сæ исесунæн, байамонуй аллибони цардиуагæ куд райаразун гъæуй, уæдта циуавæр хуæруйнæгтæ хуæрун не ‘нгъезуй, уой. Æнæнгъæлти уолæфт ку исæхгæна, цæсгон æма хъуртæ ку рарæсуйуонцæ, тоги æлхъивдадæ ку ‘рхауа, адæймаг ку балæгъуз уа, уæд æвæстеуатæй фæдздзорун гъæуй тагъд медицинон агъазмæ.

Уе ‘нæнездзийнадæмæ уæ гъос даретæ æма ма уадзетæ аллергийæн царди фæткæ ихалун!

Æхсæнадон æнæнез-дзийнадæ æма медицинон профилактики республикон центр