13 июля 2024

АМОНДГУН БИЙНОНТÆ – ЕУГУР ÆХСÆНАДÆН ФАРНÆХÆССÆГ

29.10.2022 | 16:13

Номдзуд уруссаг финсæг Антон Чехов кæддæр уотæ финста: «Уарзгæ ку кæнай, уæд дæхе медæгæ уæхæн гъæздугдзийнадæ раргом кæндзæнæ, уойбæрцæбæл таласдзийнадæ, табедзæ, æма ди æруагæс дæр нæ кæндзæнæй, уоййасæбæл уарзунгъон дæ, е…»

Аци алæмæти гъуди, махмæ гæсгæ, уæлдай зæрдтагондæр уа æригон бийнонтæн – уони уарзон æма кæрæдзебæл æхцул цард æй æхсæнадæн амондхæссæг. Е ни алкæмæй дæр æруагæс кæнуй, æма, фæсевæди гъуддæгути фæдбæл федералон агентадæ дæр, нæуæггонд платформæ «родные-любимые.рф»-йи, æвæдзи, хумæтæги нæ аразуй æригон бийнонти Еугуруæрæсеуон онлайн-форум «Родные – Любимые». Æ нисанеуæг æй бийнонти цардиуаги фæдбæл аллихузон адæмихæттити фидтæлтиккон æгъдæутти хæццæ нури фæсевæди базонгæ кæнун, уой хæццæ ба паддзахадон фæсевæдон политики ахсгиагдæр къабæзти куст æнтæстгиндæрæй райаразуни фарстатæбæл радзубанди кæнун.

Аци мадзал арæзт æрцæудзæнæй 3-5 ноябри.

Форумамонгутæ æрдзубанди кæндзæнæнцæ бийнонти ахурадæ æма бюджет аразуни фарстатæбæл.

Уомæй уæлдай, форуми фæткæмæ гæсгæ ка рацæудзæнæй, Фæсевæдон проекти еци Еугуруæрæсеуон конкурси архайгутæн уодзæнæй сæ проекттæ бавдесун æма сæ банхæст кæнунæн миллион сомей бæрцæ финансон агъаз райсуни фадуат.

Форум æма конкурси архайунæн адæймаги ихæс æй 31 октябри 18 сахаттей æмгъудмæ бæлвурдгæнæн системæ «Уæрæсей фæсевæд»-мæ курдиадæ барветун æма Паддзахадон лæггæдти хæццæ баст аккаунт бавдесун. Аккаунти бастдзийнадæ æма хуæдæгъдауон бæлвурдгæнæн системæ «Уæрæсей фæсевæд»-мæ курдиадæ барветуни туххæй инструкци бакæсæн ес хабæрттæамонæг хайади.

Цæгат Иристони мухур æма дзиллон коммуникацити Комитети пресс-службæ