Республики æнæнездзийнадæ гъæуайкæнуйнади министрадæ куд игъосун кæнуй, уотемæй, æрра незæй сæйгæ цæрæгойтæ кæбæл фæххуæстæнцæ, уой радзæбæх кæнунæн вакцинæ æрвист æрцудæй дзæбæхгæнæн косæндæнттæмæ.

Нуриуæнгæ хуасæ иурст цæуй региони медицинон организацитæбæл, цæмæй, незгун цæрæгойтæ кæбæл фæххуæстæнцæ, еци адæймæгутæн афойнадæбæл æвæстеуатæй байагъаз кæнонцæ, æрра незæй сæ фæссæйгæ кæнун ма бауадзонцæ. Тагъд агъази клиникон сæйгæдони травматологон пунктмæ вакцинæ бахъæрттæй, æма сæмæ агъазагор ка æрбацæуй, уонæн æй искæнунцæ.

– Гъулæггагæн, нуртæккæ дзæгъæл куйтæ хъæбæр исахид æнцæ. Незихатт зинтæй дзæбæх кæнуй, ахсгиаг æй уæхæн адæймагæн антирабикон вакцинæ æ рæстæгбæл искæнун. Кенæ ба æрра незæй игъæстæ цæрæгойтæ адæймагбæл дæр нез бафтаудзæнæнцæ, – загъта травмпункти сæргълæууæг Христофор Поландов.