28 майя 2022

АРФӔ КӔМИ КӔНУНЦӔ, УОМИ ЦАРД ДӔР РАЙДЗАСТДӔР КӔНУЙ, ФАРНӔ ДӔР СИ ФУЛДӔР КӔНУЙ!..

18.09.2021 | 17:46

НӔ НАЦИОН АЙЙЕВАДИ СӔРБӔЛТАУ СӔ ФӔЛЛОЙНӔ АГЪАЗИАУ ӔЙ!..

ХУЗИ (галеуӕрдигӕй рахесӕрдӕмӕ): ДӔГУЙТИ Ларисӕ, ХАДАТИ Зӕлинӕ, ГАБЕТИ Хетӕг ӕма БЕСАТИ Виктория.

Уотӕ федарӕй зӕгъун ӕнгъезуй Паддзахадон Дигорон драмон театри коллективӕй. Уомӕ гӕсгӕ ин кадӕ ес нӕ Иристони дзилли ‘хсӕн, театри исфӕлдистадон архайгутӕй беретӕ хуарз зундгонд ӕнцӕ театрдзаутӕн. Сӕ искурдиадӕн ӕма ӕновуд фӕллойнӕн нӕ национ аййевади райрӕзти сӕрбӕлтау син аккаг аргъгонд цӕуй.

Уомӕн еума ӕвдесӕн ӕй ӕма си цалдӕр бабӕй цитгингонд ӕрцудӕнцӕ кадгин хуӕрзеугутӕй.

Габети Хетӕгӕн исаккаг кодтонцӕ Цӕгат Иристони адӕмон артисти ном, Бесати Викторийӕн ба – нӕ республики ӕскъуӕлхт артисти ном.

Уомӕй уӕлдай, Цӕллати Владимир, Дӕгуйти Ларисӕ ӕма Хадати Зӕлинӕ хуарзӕнхӕгонд ӕрцудӕнцӕ Цӕгат Иристони Кади грамотитӕй.

Хуӕрзеугутӕ син зӕрдиаг арфити хӕццӕ равардта Республикӕ Цӕгат Иристон-Аланий культури министри ихӕстӕ рӕстӕгмӕ ӕнхӕстгӕнӕг КЪУБАЛТИ Эльбрус.

Мах дӕр син нӕхе ӕма газеткӕсгути номӕй зӕрдӕхцӕуӕнӕй арфӕ кӕнӕн. Федарӕй ни ӕруагӕс кӕнуй, идарддӕр дӕр нин нӕ зӕрдитӕ ке барохс кӕндзӕнӕнцӕ сӕ нӕуӕг исфӕлдистадон ӕнтӕстдзийнӕдтӕй.