19 майя 2022

ЦӔГОЛТИ ЦИТГИН ӔНСУВӔРТӔ – ИРИСТОНИ СӔРУСТУРДЗИЙНАДӔ!..

19.01.2021 | 16:54

Цӕголти Македони сахъ фурттӕ Василий ӕма Ким… Баруагӕс уи уӕд, Иристони берӕ муггӕгтӕ бабӕлдзӕнӕнцӕ, цӕмӕй се ’хсӕн исӕнтӕса уӕхӕн ӕнсувӕртӕ, кӕцитӕ сӕ разагъди лӕгдзийнӕдтӕй фескъуӕлхтӕнцӕ нӕ Фидибӕсти сӕрбӕлтау, нӕ адӕми нӕргӕ кадӕ  никки фӕццитгиндӕр кодтонцӕ.

ЦÆГОЛТИ Василий исфæлдистадон балций рæстæг.

Цӕголти ӕнсувӕртӕ дууемӕй берӕ хуӕрзти бацудӕнцӕ нӕ адӕмӕн дӕр ӕма нӕ Фидибӕстӕн дӕр. Кӕд си алкӕмӕн ӕ цардвӕндаг еуцӕйбӕрцӕдӕр фӕйнӕхузи адтӕй, уӕддӕр син си еумӕйагӕй дӕр берӕ ес. Тӕккӕ фиццагидӕр уомӕй, ӕма дууемӕй дӕр адтӕнцӕ Райгурӕн бӕсти гъӕуайгӕнгутӕ. Василий арайдта Устур Фидибӕстон тугъди, уой дӕр уоййасӕбӕл бӕгъатӕрӕй, ӕма хуарзӕнхӕгонд ӕрцудӕй берӕ паддзахадон хуӕрзеугутӕй. Куд журналист ӕма финсӕг, уотӕ ӕ исфӕлдистади сӕйрагдӕр бунат ахӕстонцӕ тугъди рӕстӕг советон дзилли бӕгъатӕр тохи Фидибӕстӕбӕл ӕновуд ун ӕма ӕ сӕрбӕлтау ӕновудӕй архайунмӕ цӕттӕдзийнади фарстатӕ.

Мадта Ким, кӕд ӕ цардвӕндаги райдайӕни аййевадон исфӕлдистадӕ равзурста, уӕддӕр ӕ карнӕ ба уотӕ рауадӕй, ӕма иссӕй ӕфсӕддон архайӕг, тугъдон гъуддӕгути ци бӕгъатӕрдзийнадӕ ӕма арӕхстдзийнадӕ бавзаридӕ, уомӕй дести ӕфтудта сауӕнгӕ знӕгти дӕр ма…

ЦÆГОЛТИ Василий тугъди рæстæг

Василийи фурт Олег, журналист, ӕ фиди цардвӕндаг ӕма исфӕлдистади фӕдбӕл ци ӕрмӕгутӕ бацӕттӕ кодта, уонӕй еуеми ӕримиста уӕхӕн хабар: «Ӕ роман «Хуӕнхти минӕвӕрттӕ» -й мӕ цӕргӕ-цӕрӕнбонти дӕр, ӕвӕдзи, дардзӕнӕн мӕ зӕрдӕбӕл еу цау. Цӕветтонгӕ, кӕстӕр хъайтартӕй еу хестӕрӕн балӕггадӕ кӕнуни зӕрдтӕй ӕ уӕгъдӕ къохтӕй артӕй фелваста зинг, ӕма ’й ӕ дууӕ армитъӕпӕнемӕ рагӕлдзӕ-багӕлдзӕ кӕнгӕй си уомӕн ӕ лолӕ исасугъта. Ӕз уобӕл хъӕбӕр дестӕ кӕнгӕй бафарстон мӕ фиди, еци ӕгӕргӕнӕн ба ма си цӕмӕн гъудӕй, зӕгъгӕ. Ӕма мин уӕд е уотӕ ку бакӕнидӕ: «Хаттӕй-хатт расагъӕс кӕнун дӕр гъӕуй, цивилизаций хуӕрзтӕ есгӕй, нӕхе уодвӕрнондзийнадӕй берӕ цидӕр ахсгиагдзийнӕдтӕ ке  исафӕн, уобӕл дӕр…» Ӕ еци дессаги гъуди мӕ зӕрдӕбӕл даргӕй, фӕззӕгъун, хуарз ӕма нӕ хестӕртӕ абони рӕстӕгутӕмӕ нӕ рацардӕнцӕ ӕма ма син махӕй абони ка цӕруй, уони туххӕй ӕфсӕрмигӕнгӕ нӕ рауадӕй…»

Уогӕ фӕсмон кӕнун дӕр хуарз ӕй, фал никки хуӕздӕр ба е ӕй, ӕма цӕмӕйдӕриддӕр фӕррӕдудан ӕма ма рӕдуйӕн, уони ӕнӕ дзебӕлӕй исраст кӕнунбӕл байархайун.


После успешного выхода первого романа «Послы гор» в стенной газете объединённых редакций «Социалистическая Осетия» и «Рӕстдзинад» появился дружеский шарж на Василия Цаголова со стихотворной подписью Музафера Дзасохова:

Без особых на то усилий

Написал роман Василий.

Проходивший мимо поэт Геор Кайтуков добавил:

– Хоть его об этом и не просили…

Кстати, Геору принадлежит и крылатая фраза: «Цаголовы, выше головы!..»


ЦÆГОЛТИ Ким

Фиццагидӕр, нӕ ихӕс ӕй нӕ цитгин хестӕрти имисун, дзиллон хабархӕссӕг фӕрӕзнити уони фӕнзуйнаг хабӕртти кой кӕнун. Еци гӕнӕнтӕй мах, куд нури уӕнгӕ, уотӕ абони дӕр бабӕй пайда кӕнӕн. Ӕма нӕ дзубанди ба Цӕголти Василий ӕма Кими туххӕй  уомӕ гӕсгӕ кӕнӕн, ӕма ӕрӕги, 1 январи Василийи райгурдбӕл исӕнхӕст ӕй сӕдӕ анзи (1921-2004). Уотӕ рауадӕй ӕма фараст анзей (1930 анзи 13 январи) фӕсте бабӕй Македонӕн ӕ нӕуӕг бийнонти ’хсӕн  райгурдӕй фурт, исхудтонцӕ ’й Ким.

Сӕ дууей карнӕ дӕр рауадӕй зингомау, фӕццудӕнцӕ царди гургъахъ нӕдтӕбӕл, фал сӕмӕ адӕймаг цӕмӕй ӕрхицӕ кӕна, уомӕй ба сӕ

дууемӕ дӕр разиндзӕнӕй цалдӕр цардей бӕрцӕ. Василий иссӕй зундгонд публицист, финсӕг, нӕ литератури классик, Цӕгат Иристони адӕмон финсӕг, Ким – философон наукити доктор, профессор, инӕлар-майор, е ’фсӕддон ӕскъуӕлхтдзийнӕдти туххӕй нерӕнгӕ дӕр ма игъусуй цӕмӕдес хабӕрттӕ, ӕ наукон цӕстингас дӕр деси ӕфтауй наукон дуйне.

Кӕронбӕттӕни ба ма мухур кӕнӕн Василийи ӕмгустгӕнӕг, Цӕгат Иристони адӕмон поэт Гуржибекти Ирини номерӕн ӕмдзӕвгӕ.

ЦÆГОЛТИ Ким (рахесæрдигæй) афгайнаг тугъди рæстæг.

Ирина Гуржибекова

И струится свет…

Памяти Василия Цаголова

Две даты… Два брата в славе равны.
Но прости меня, Ким, я все же – про Васю…
Дни, часы моей журналистской весны
Он оживил и украсил.
Эта честность на фантазийной грани!
Эта смелость воина в мирные дни!
Эти шутки… Они все низкое ранили,
А высокому – жизнь продлевали они.
Зайдет в кабинет – и усталость смывает.
И думаю: пусть это дольше длится…
Ведь утром читатель газету листает:
– Ну где наш «Бибо»? На какой странице?
Не помню в грусти его и в печали.
И «мертвые» у него «вставали»…
Из дальних далей струит свой свет…
Прозаик – душой и сердцем поэт.