07 февраля 2023

ЦУБУРДЗУРДÆЙ…

05.08.2022 | 15:30

Солити Тариэл, республики транспорти æма нæдти инфраструктури министр:

– Куд нисангонд цæуй, уотемæй 2022 анзи Цæгат Иристони реконструкцигонд æма арæзт æрцæудзæнæнцæ автомобилон нæдти 7 участоккеми 62,3 километри, цалцæг æма капиталон цалцæггонд ба æрцæудзæнæнцæ регионалон æма æхсæнмуниципалон, гъæунгти нæдти 58,9 километри, уæдта арæзт æма реконструкцигонд хедтæбæл дууæ бацæуæни. Зæгъун гъæуй, уæхæн куститæ Уæрæсей Хецауади сæрмагонд фондæй нæ республикæн уæлæнхасæн дехгонд æрцудæй 1,9 миллиард соми.

 

 

 

 

Аланибæл Исаргъуди 1100 анзей бæрæгбони фæдбæл нæ республики ци цитгингæнæн мадзæлттæ арæзт цæуй æма ма цæудзæнæй, уонæй еу исуодзæнæй æхсæндунейуон форум «Киристон дин Кавкази». Æ нисанеуæг æй Уæрæсей адæмти уодварни хæзнатæ багъæуай кæнун æма Кавкази цæрæг адæмти ‘хсæн æмдзурд æма кæрæдзей лæдæрундзийнадæ федар кæнун. Форуми архайдзæнæнцæ 300 адæймагемæй фулдæр – æхсæнади, науки, этнокультурон, дини, ахурадон организацити, паддзахадон хецауади æма бунæттон хеунаффæйади минæвæрттæ Цæгат Кавкази æма Хонсайраг федералон зилдтæй. Радзубанди си кæндзæнæнцæ дуйнеуон эксперттæ.

 

 

 

 

 

Цæгат Иристони идарддæр æнхæстгонд цæунцæ программæ «Мæгурдзийнади нихмæ тох»-мæ гæсгæ нисангонд мадзæлттæ. Сæ царди хабæрттæ аразунæн сæ равгитæ æгудзæг ци адæймаг кенæ бийнонтæн æнцæ, етæ аци программи архайуни туххæй гъæуама бадæттонцæ гъæугæ гæгъæдитæ социалон лæггæдти Центрмæ. Агъазагоргути гæгъæдитæмæ æркæсуй сæрмагонд къамис, уой унаффæмæ гæсгæ ба курдиадæ æрбарветæг æма комплексон центри ‘хсæн исаразунцæ социалон бадзурд. Программи архайгути нимæдзæ ирæзуй – фарæ федаргонд æрцудæй 1427 социалон бадзурди. Агъазгонд цæуй, хе гъуддаг байгон кæнун ке зæрди ес, уонæн.