07 августа 2022

ЦУБУРДЗУРДÆЙ

08.07.2022 | 17:10

– Цæгат Иристони астæуккаг профессионалон ахуради косæндæнтти райдæдта, уонæми ахур кæнун ке фæндуй, уонæй курдиæдтæ есуни куст. Нæуæг ахурадон, 2022-2023 анзи министради дæлбарæ  техникумтæ æма колледжти уодзæнæй 2048 бюджетон бунати (евгъуд ахурадон анзи хæццæ рабаргæй – 1208 бунати фулдæр). Курдиæдтæ ист цæудзæнæнцæ 15 августи уæнгæ. Фал уæгъдæ бунæттæ ма ку байзайа, уæд еци æмгъуд фæффæстæдæр уодзæнæй – 25 ноябри уæнгæ.

 

 

Ахид уарунти фæсте уæлдæфи тæвдадæ бæрзонддæр кæнуй. Уæлдайдæр ба – Мæздæги райони æма республики æндæр будуйраг рауæнтæй кæмидæрти. Уомæ гæсгæ ба Уæрæсей æнæнгъæлти уавæрти Министради Цæгат Иристони Сæйраг управлени нæ республики цæргутæн фæдзæхсуй, цæмæй аци бæнтти уонцæ уæлдай къæрцгъосдæр. Уавæртæ исæвзургæй, æвæстеуатæй бадзорун гъæудзæнæй оперативон-ервæзунгæнæг службæмæ уæхæн номертæй: «112» æма «101» (дзиппидаргæ телефонæй), «01» (стационарон телефонæй).

 

Цæгат Иристони аци анзи кæронмæ гъæуама арæзт фæууонцæ сувæллæнтти аст рæвдауæндони – уодзæнæй си 1280 бунати. Зæгъун гъæуй уой, æма аци анз бал Беслæни байгон æнцæ дууæ рæвдауæндони: сæ еу национ проект «Демографи»-й фæрци, иннæ ба – программæ «Цæгат-Кавказаг федералон зилди райрæзт»-мæ гæсгæ. Рæхги ба рæвдауæндонæ байгон уодзæнæй поселок Заводтаги.