Сталини доги ци хӕдзарадон разамонгутӕ рагъомбӕл ӕнцӕ, уони ӕнтӕстгин архайд абони дӕр ма уӕлдай зӕрдиагӕй имисӕн. Хумӕтӕги нӕ фӕззӕгъӕн, уони хузӕн разамонгутӕ нӕмӕ абони ку уайдӕ, уӕд, ӕвӕдзи, кӕмити ӕнтӕстгиндӕр уиуонцӕ нӕ социалон-экономикон уавӕртӕ.

Еци сталинон разамонгутӕй еу адтӕй не ’мзӕнхон Тӕкъоти Авсимайхой фурт Дзандар – Ленинон премий лауреат, ССР Цӕдеси нефти промышленности министри хуӕдӕййевӕг. Ӕнӕгъӕнӕ дуйнейи дӕр зундгонд адтӕй, хъӕбӕр цитгинӕй еунӕг уой хумӕтӕги нӕ худтонцӕ «Нефти къарол», зӕгъгӕ. Аци анз 28 феврали нӕ номдзуд ӕмзӕнхони райгурдбӕл исӕнхӕст ӕй фондз ӕма фондзинсӕй анзи (1916-2001).

Тӕкъоти Дзандари цардвӕндаги хабӕртти ӕма ӕ берӕ фӕллойнадон-наукон ӕскъуӕлхтдзийнӕдти туххӕй ӕ рӕстӕги берӕ аллихузон ӕрмӕгутӕ мухургонд ӕрцудӕй куд нӕ фидибӕстон, уотӕ фӕсарӕйнаг дзиллон хабархӕссӕг фӕрӕзнити дӕр. Тӕкъой-фурти туххӕй уагъд ӕрцудӕй сӕрмагонд киунугӕ дӕр.

Абони ба мухур кӕнӕн зундгонд журналист Тепсихъоти Зойӕ (гъулӕггагӕн, е дӕр абони не ’хсӕн нӕбал ӕй, рохсаг уӕд…) Тӕкъой-фурти туххӕй ци очерк ниффинста, уой. Кӕсетӕ ‘й фӕрстӕбӕл.