«Мæ хъазар мадæ æма фидæ! Нуртæккæ æз дæн 13-аг æфсади снайпер. Ниццагътон 128 фашисти. Уой туххæй мин лæвæрд æрцудæй бæрзонд паддзахадон хуæрзеуæг – Сурх Стъалуй орден æма майдан «За отвагу». Мæ къарæ исистон мæ командири æмбал Цыбуленко Григорийи бийнонти хæццæ сахар Краснодари 1943 анзи 1 июли».

Уой финста æхсаргин тугъдон Дойати Давид æ ниййергутæмæ, фронтæй сæмæ ци къарæ исæрвиста, уой къилдунæрдигæй. Тагъд знаги ниддæрæн кæндзинан æма  уæмæ уæлахезонæй зиндзæнæн, зæгъгæ, зæрдитæ бæргæ æвардта æ хеуæнттæн, фал ин нæ бантæстæй æ нифсæвæрд исæнхæст кæнун – æ цард иснивонд кодта Фидибæсти сæрбæлтау…

Советон Цæдеси Бæгъатæр Дойати Тебой фурт Давиди райгурдбæл апърели исæнхæст æй дæс æма фондзинсæй анзи (1912-1943). Уой туххæй æрмæг кæсетæ 3-аг фарсбæл.